କନକ ବ୍ୟୁରୋ: ଅର୍ଚ୍ଚନା ନାଗ ମାମଲାରେ ଶ୍ରଦ୍ଧାଞ୍ଜଳି ବେହେରାଙ୍କୁ ଇଡି ସମନ । କାଲି ହାଜର ହେବାକୁ ନିର୍ଦ୍ଦେଶ ଦିଆଯାଇଛି । ଗିରଫଦାରୀକୁ ଏଡ଼ାଇବାକୁ ଆଗୁଆ ହାଇକୋର୍ଟର ଦ୍ୱାରସ୍ତ ହୋଇଛନ୍ତି ଶ୍ରଦ୍ଧାଞ୍ଜଳି ବେହେରା । ନଭେମ୍ବର ୧୦ରେ ଇଡି ଓ ଅନ୍ୟ ଅଧିକାରୀ କଟକ ଜିଲ୍ଲାରେ ଥିବା ସ୍ଥାୟୀ ଠିକଣାକୁ ଯାଇ ଅନୁସନ୍ଧାନ କରିଥିଲେ । ନଭେମ୍ବର ୧୮ରେ ଭୁବନେଶ୍ୱର ଇଡିର ଦୁଇ ଜଣ ଅଧିକାରୀ ତାଙ୍କୁ ସମନ ପ୍ରଦାନ କରିଥିଲେ । ସମନ ପାଇବା ପରେ ହାଇକୋର୍ଟରେ ଆଗୁଆ ଜାମିନ୍ ଲୋଡିଛନ୍ତି ଶ୍ରଦ୍ଧାଞ୍ଜଳି । ଅର୍ଚ୍ଚନା ନାଗ ମାମଲାରେ ସେ ଜଣେ ପୀଡ଼ିତା ବୋଲି ଆବେଦନରେ ଉଲ୍ଲେଖ କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଆବେଦନରେ ସେ ଦର୍ଶାଇଛନ୍ତି ଯେ, ନଭେମ୍ବର ୨ରେ ଇଡି ରୁଜୁ କରିଥିବା ମାମଲାରେ ଅର୍ଚ୍ଚନାଙ୍କ ସହିତ ଜଗବନ୍ଧୁ ଚାନ୍ଦ, ଖଗେଶ୍ୱର ପାତ୍ର ଓ ତାଙ୍କ ନାଁ ରହିଛି । ଏହା ପୂର୍ବରୁ ସେ ଖଣ୍ଡଗିରି ଥାନାରେ ଦେଇଥିବା ଏତଲା ଆଧାରରେ ପୋଲିସ ଅର୍ଚ୍ଚନା, ଜଗବନ୍ଧୁ, ଖଗେଶ୍ୱର ଓ ଅନ୍ୟମାନଙ୍କ ବିରୋଧରେ ବିଭିନ୍ନ ଦଫା ସହିତ ଆଇଟି ଆକ୍ଟରେ ମାମଲା ରୁଜୁ କରିଥିଲା । ସେ ଜଣେ ପୀଡ଼ିତା ହୋଇଥିବା ବେଳେ ଇଡି ତାଙ୍କୁ ହାଜର ହେବା ପାଇଁ ନୋଟିସ୍ ଜାରି କରିଛି । ଏଭଳି ସ୍ଥିତିରେ ତାଙ୍କୁ ଆଗୁଆ ଜାମିନ୍ ମଞ୍ଜୁର କରାଯାଉ ବୋଲି ସେ ଆବେଦନରେ ଉଲ୍ଲେଖ କରିଛନ୍ତି ।