କନକ ବ୍ୟୁରୋ : ଚୀନ ଓ ତାଇୱାନ ମଧ୍ୟରେ ଲାଗି ରହିଥିବା ଯୁଦ୍ଧ ଆଶଂକାର ପ୍ରଭାବ ଏବେ ବଜାର ଉପରେ ପଡିବା ଆରମ୍ଭ ହୋଇଯାଇଛି । କାରଣ ଏହି ଦୁଇଟି ଦେଶ ଏବେ ବିଶ୍ୱ ବଜାରରେ ଲାପଟପ, ସ୍ମାର୍ଟଫୋନ ଯୋଗାଣ କ୍ଷେତ୍ରରେ ସବୁଠାରୁ ଆଗରେ ରହିଛନ୍ତି । କିଛିଦିନ ତଳେ ଆମେରିକାର ସ୍ପିକର ନେନସି ପେଲୋସୀଙ୍କ ତାଇୱାନ ଗସ୍ତ ନେଇ ଚୀନ ଉପରେ ଆକ୍ରମଣାତ୍ମକ ଢଙ୍ଗରେ ବିଭିନ୍ନ ବୟାନ ଜାରି କରିଛି । ଏହାସହ ଚୀନ ତାଇୱାନ ସୀମାରେ ସମରାଭ୍ୟାସ ଜାରି ରଖିଥିବାରୁ କେତେବେଳେ ବି ଆକ୍ରମଣ କରିପାରେ ବୋଲି ଆଶଂକା କରାଯାଉଛି ।
Kanak News is now on WhatsApp
Join and get latest news updates delivered to you via WhatsApp
ଏଭଳି ପରିସ୍ଥିତିରେ ଏବେ ଉଭୟ ଦେଶର ବ୍ୟବସାୟ କ୍ଷେତ୍ରରେ ମାନ୍ଦାବସ୍ତା ଦେଖାଦେବା ସହ ତାଇୱାନ ମୋବାଇଲ କମ୍ପାନୀ ଆପଲ ତାର ଲେବଲ ଓ ବେଞ୍ଚମାର୍କ ବଦଳାଇବାକୁ ବ୍ୟବସାୟୀମାନଙ୍କୁ ପରାମର୍ଶ ଦେଇଛି । କମ୍ପାନୀର ପରାମର୍ଶ ମୁତାବକ ଏବେ ଆପଲ ଫୋନ ଉପରେ ମେଡ ଇନ୍ ତାଇୱାନ ପରିବର୍ତ୍ତେ ‘ଚୀନ ତାଇପେ’ ବୋଲି ଲେଖିବାକୁ ବ୍ୟବସାୟୀମାନଙ୍କୁ ପରାମର୍ଶ ଦେଇଛି ।
ସେପଟେ କମ୍ପାନୀ ତରଫରୁ ତାଇୱାନରୁ ଚୀନ ରପ୍ତାନୀ ହେଉଥିବା ସିପମେଣ୍ଟ ନିୟମକୁ କଡାକଡି ପାଳନ କରିବାକୁ ନିର୍ଦ୍ଦେଶ ଦେଇଛି । ଏହାସହ ଗତକାଲି ଆପଲ କମ୍ପାନୀର ଯୋଗାଣକାରୀମାନଙ୍କୁ ତାଇୱାନରେ ପ୍ରସ୍ତୁତ ହେଉଥିବା ଉପକରଣ ଉପରେ କଡାକଡି ନିୟମ ପାଳନ କରିବାକୁ ନିର୍ଦ୍ଦେଶ ଦେଇଛି ।
ସେପଟେ ଆସନ୍ତାମାସରେ ଆପଲ ତରଫରୁ ଆଇଫୋନର ୧୪ ତମ ସିରିଜ ଓ ଅନ୍ୟକିଛି ଉତ୍ପାଦ ଲଂଚ କରିବାକୁ ଥିଲା । ହେଲେ ସିପମେଣ୍ଟରେ ଡେରି ହେଉଥିବାରୁ ଏହା ସିଧାସଳଖ ପ୍ରଭାବ ଲଂଚ୍ ଉପରେ ପଡିବ ବୋଲି କୁହାଯାଉଛି ।