ପୁଣି ଭୁବନେଶ୍ୱର ଲୋକସଭା ସିଟ୍ ଜିତିଲେ ଅପରାଜିତା ଷଡଙ୍ଗୀ: ୩୫ ହଜାର ୧୫୨ ଭୋଟରେ ହାରିଲେ ମନ୍ମଥ ରାଉତରାୟ

କନକ ବ୍ୟୁରୋ: ପୁଣି ଭୁବନେଶ୍ୱର ଲୋକସଭା ସିଟ ଜିତିଲେ ଅପରାଜିତା ଷଡଙ୍ଗୀ । ବିଜେଡି ପ୍ରାର୍ଥୀ ମନ୍ମଥ ରାଉତରାୟଙ୍କୁ ୩୫ ହଜାର ୧୫୨ ଖଣ୍ଡ ଭୋଟରେ ପରାଜିତ କଲେ ଅପରାଜିତା । ମନ୍ମଥ ୪ ଲକ୍ଷ ୭୭ ହଜାର ୩୬୭ ଭୋଟ ପାଇଥିବା ବେଳେ ଅପରାଜିତା ୫ ଲକ୍ଷ ୧୨ ହଜାର ୫୧୯ ଖଣ୍ଡ ଭୋଟ ପାଇଛନ୍ତି । ଏହି ଲୋକସଭା ଆସନରୁ ୨୦୧୯ରୁ ଅପରାଜିତା ପ୍ରଥମଥର ଜିତିଥିଲେ । ଏବେ ପୁଣି ଲଗାତାର ଦ୍ୱିତୀୟ ଥର ବିଜୟୀ ହୋଇଛନ୍ତି । ଓଡିଶା ଲୋକସଭାରେ ବିଜେପି ୧୯ ସିଟରେ ଆଗୁଆ ରହିଥିବା ବେଳେ ବିଜେଡି ୧ ଓ କଂଗ୍ରେସ ୧ରେ ଆଗୁଆ ରହିଛନ୍ତି ।