କନକ ବ୍ୟୁରୋ: କାଶ୍ମୀରରେ ଆତଙ୍କବାଦୀଙ୍କ ଦ୍ୱାରା ହତ୍ୟାର ଶୀକାର ହୋଇଥିବା ହିନ୍ଦୁମାନଙ୍କର ମୋକ୍ଷ ପାଇଁ କାଶୀରେ ପିଶାଚମୋଚନ ତୀର୍ଥରେ ଶ୍ରାଦ୍ଧ ଦେବେ ଅଭିନେତା ଅନୁପମ୍ ଖେର୍ ଏଥିପାଇଁ ସେ ଜୁନ୍ ୧୫ରେ ସେଠାକୁ ଯାଇ ଶ୍ରାଦ୍ଧ ତର୍ପଣ କରିବେ । ଅନୁପମ୍ ଖେର୍ କାଶ୍ମୀର ପଣ୍ଡିତଙ୍କ ପ୍ରତିନିଧି ଭାବେ ଏହି ଶ୍ରାଦ୍ଧ କର୍ମ କରିବେ ।
Kanak News is now on WhatsApp
Join and get latest news updates delivered to you via WhatsApp
କାଶ୍ମୀରରେ ହୋଇଥିବା ନରସଂହାରରେ ହଜାର ହଜାର ହିନ୍ଦୁ ପ୍ରାଣ ହରାଇଥିଲେ ସେମାନଙ୍କ ମଧ୍ୟରୁ ଅନେକ ମୃତକଙକ ଶ୍ରଦ୍ଧ ସେମାନଙ୍କର ପରିବାର ଲୋକେ ଏଯାଏଁ କରିପାରିନାହାଁନ୍ତି । ସନାତନ ଧର୍ମ ଅନୁସାରେ ଅକାଳ ମୃତ୍ୟୁ ପରେ କର୍ମକାଣ୍ଡ କରିବା ଅନିବାର୍ଯ୍ୟ ଅଟେ । ଏଥିପାଇଁ ତ୍ରିପଣ୍ଡି ଶ୍ରାଦ୍ଧ ଓ ନାରାୟଣବଳୀର ନିୟମ ରହିଛି ।
ସାମାଜିକ ସଙ୍ଗଠନ ଆଗମନ ଓ ବ୍ରହ୍ମା ସେନା ପକ୍ଷରୁ ହେବାକୁ ଥିବା ତ୍ରିପିଣ୍ଡ ଶ୍ରାଦ୍ଧର କର୍ତ୍ତା ଡକ୍ଟର ସନ୍ତୋଷ ଓଝା କହିଛନ୍ତି ଯେ, ଏହି ଶ୍ରାଦ୍ଧ ଜଣେ ଦକ୍ଷ ପଣ୍ଡିତଙ୍କ ତତ୍ତ୍ୱାବଧାନରେ ହେବ । ୯ଜଣ ବ୍ରାହ୍ମଣ ଏହି ଶ୍ରାଦ୍ଧ କର୍ମରେ ପୂଜାପାଠ କରିବେ । ଏହି କର୍ମରେ ଭାଗ ନେବାକୁ ଜୁନ୍ ୧୪ ରାତିରେ ଅନୁପମ୍ ଖେର ବନାରସରେ ପହଞ୍ଚିବେ । ଏହି ସ୍ୱତନ୍ତ୍ର କର୍ମାନୁଷ୍ଠାନରେ କାଶୀ ସହିତ ବିଭିନ୍ନ ରାଜ୍ୟରେ ଧର୍ମାଚାର୍ଯ୍ୟମାନେ ଭାଗ ନେବେ ।