ମାତ୍ର ୨୦ ମିନିଟରେ ଚିହ୍ନଟ ହେବେ ରୋଗୀ: ଦେବାକୁ ପଡିବନି ନମୂନା କି ଯିବାକୁ ପଡିବନି କୌଣସି ଡାକ୍ତରଖାନା; ଘରେ ରହି ନିଜେ ପରୀକ୍ଷା କରି ଜାଣିପାରିବେ ଆପଣ କରୋନା ସଂକ୍ରମିତ କି ନୁହେଁ ?
କନକ ବ୍ୟୁରୋ: ଏଣିକି ମାତ୍ର ୨୦ ମିନିଟରେ ଜଣାପଡ଼ିବ ଆପଣ କରୋନା ପଜିଟିଭ୍ ନା’ ନେଗେଟିଭ୍ । ମାତ୍ର ୨୦ ମିନିଟରେ ଚିହ୍ନଟ ହେବେ କରୋନା ସଂକ୍ରମିତ । ଅକ୍ସଫୋର୍ଡ଼ ୟୁନିଭର୍ସିଟି ଏବଂ ବ୍ରିଟେନର ଏକ ପ୍ରତିଷ୍ଠିତ ଡାଇଗ୍ନୋଷ୍ଟିକ୍ ସଂସ୍ଥାର ମିଳିତ ପ୍ରୟାସରେ ପ୍ରସ୍ତୁତ କରାଯାଇଛି ଗେମ୍ ଚେଞ୍ଜର ଆଣ୍ଟିବଡି ଟେଷ୍ଟିଂ କିଟ୍ । ଯାହାକୁ ବ୍ୟବହାର କରି ଆପଣ ମାତ୍ର ୨୦ ମିନିଟ୍ ଭିତରେ ହିଁ ଜାଣିପାରିବେ କି ଆପଣ କରୋନା ମହାମାରୀରେ ସଂକ୍ରମିତ ଅଛନ୍ତି କି ନାହିଁ ।
Kanak News is now on WhatsApp
Join and get latest news updates delivered to you via WhatsApp
ବଡ ତଥା ଗୁରୁତ୍ୱ ପୂର୍ଣ୍ଣ କଥା ହେଉଛି, ଏହି ଟେଷ୍ଟ ପାଇଁ କୌଣସି ସାମ୍ପଲ କଲେକ୍ସନର ଆବଶ୍ୟକତା ମଧ୍ୟ ପଡ଼ିବ ନାହିଁ । କାହିଁକି ନା ଏହି କିଟକୁ କୌଣସି ବି ବ୍ୟକ୍ତି ଔଷଧ ଦୋକାନରୁ କିଣି ନିଜ ଘରେ ନିଜର ପରୀକ୍ଷା କରିପାରିବେ । ତେବେ ଏହି କିଟ୍ ପରୀକ୍ଷଣରେ ଅକ୍ସଫୋର୍ଡ ବିଶ୍ବବିଦ୍ୟାଳୟକୁ ପ୍ରାୟ ୯୮.୬ପ୍ରତିଶତ ସଫଳତା ମିଳିଥିବା ବେଳେ ଇଭଉ-୧୯ ଲାଟେରାଲ୍ ଫ୍ଲୋ ଟେଷ୍ଟ ନାଁରେ ପ୍ରସ୍ତୁତ ହୋଇଥିବା ଏହି କିଟ୍ ଚଳିତବର୍ଷ ଶେଷ ସୁଦ୍ଧା ବଜାରରେ ଉପଲବ୍ଧ ହେବ ବୋଲି କୁହାଯାଉଛି ।