୧୯୮୪ ଦଙ୍ଗା : ଜଗଦୀଶ ଟାଇଟଲରଙ୍କ ବିରୋଧରେ ସିବିଆଇର ଚାର୍ଜସିଟ ଉପରେ କୋର୍ଟଙ୍କ ତର୍ଜମା, ଅଗଷ୍ଟ ୫ ତାରିଖରେ ହଜାର ହେବାକୁ ନୋଟିସ
କନକ ବ୍ୟୁରୋ : ୧୯୮୪ ଶିଖ ବିରୋଧୀ ଦଙ୍ଗା ମାମଲାରେ କଂଗ୍ରେସ ନେତା ଜଗଦୀଶ ଟାଇଟଲରଙ୍କ ପାଇଁ ବଢିଲା ଅଡୁଆ । ଏହି ଦଙ୍ଗା କ୍ରମରେ ଦିଲ୍ଲୀର ପୁଲ ବଂଗଶ ଅଞ୍ଚଳରେ ହୋଇଥିବା ହତ୍ୟା ମାମଲାରେ ସିବିଆଇ ଦ୍ୱାରା କୋର୍ଟରେ ଦାଖଲ କରାଯାଇଥିବା ଚାର୍ଜସିଟ ଉପରେ ତର୍ଜମା କରି ଦିଲ୍ଲୀର ରାୱଜ ଏଭିନ୍ୟୁ କୋର୍ଟ ଜଗଦୀଶ ଟାଇଟଲରଙ୍କୁ ଅଗଷ୍ଟ ୫ ତାରିଖରେ ହଜାର ହେବାକୁ ନୋଟିସ କରିଛି । ସିବିଆଇ ତରଫରୁ ଦାଖଲ କରାଯାଇଥିବା ଚାର୍ଜସିଟରେ କିଛି ଭିଡିଓ ଓ ଭଏସ ସାମ୍ପୁଲ ଦାଖଲ କରିଛି ।
Kanak News is now on WhatsApp
Join and get latest news updates delivered to you via WhatsApp
ସିବିଆଇ ତରଫରୁ ଏହି ଦଙ୍ଗା ମାମଲାର ଯାଂଚ କରି ୨୦୨୩ ମେ ୨୦ ତାରିଖରେ ଚାର୍ଜସିଟ୍ ଦାଖଲ କରିଥିଲା । ଅତିରିକ୍ତ ମେଟ୍ରୋପଲିଟନ ମାଜିଷ୍ଟ୍ରେଟ୍ ଜଷ୍ଟିସ ବିଧି ଗୁପ୍ତା ଆନନ୍ଦ ଏହି ମାମଲାରେ ଚାର୍ଜସିଟକୁ ତର୍ଜମା କରିବା ପରେ ଏଭଳି ଆଦେଶ ପାରିତ କରିଛନ୍ତି ।
ସୂଚନା ଥାଉକି ତକ୍ରାଳୀନ ପ୍ରଧାନମନ୍ତ୍ରୀ ଇନ୍ଦିରା ଗାନ୍ଧୀଙ୍କ ହତ୍ୟାର ଗୋଟିଏ ଦିନ ପରେ ୧୯୮୪ ମସିହା ନଭେମ୍ବର ୧ ତାରିଖରେ ଦିଲ୍ଲୀର ପୁଲ ବଙ୍ଗସ୍ ଅଞ୍ଚଳରେ ୩ଜଣଙ୍କୁ ହତ୍ୟା କରାଯାଇଥିଲା । ଏହାସହ ଏକ ଗୁରୁଦ୍ୱାରରେ ନିଆଁ ଲଗାଇ ଦିଆଯାଇଥିଲା । ଏହି ମାମଲାରେ ସିବିଆଇ କହିଛି କି ଜଗଦୀଶ ଟାଇଟଲର ୧୯୮୪ ନଭେମ୍ବର ୧ ତାରିଖରେ ପୁଲ ବଙ୍ଗସ ଗୁରୁଦ୍ୱାର ନିକଟରେ ଥିବା ଆଜାଦ ବଜାରରେ ଲୋକଙ୍କ ଏକାଠି କରି ହିଂସା କରିବାକୁ ଉସକାଇଥିଲେ । ଯାହାର ପରିଣାମ ସ୍ୱରୂପ ଲୋକମାନେ ଗୁରୁଦ୍ୱାରରେ ନିଆଁ ଲଗାଇଦେବା ସହ ତିନିଜଣ ଶିଖ ସଂପ୍ରଦାୟର ଲୋକଙ୍କୁ ହତ୍ୟା କରିଥିଲେ ।