କୋଟାରେ ଜୀବନ ହାରିଲେ ଆଉ ଜଣେ ଛାତ୍ରୀ । ଚିଠିରେ ଲେଖିଲେ ଆତ୍ମହତ୍ୟାର କାରଣ । ଜାନୁଆରୀରେ ଦ୍ୱିତୀୟ ଆତ୍ମହତ୍ୟା ।
କନକ ବ୍ୟୁରୋ: ସୁଇସାଇଡ୍ ହବ୍ ପାଲଟିଥିବା ରାଜସ୍ଥାନ କୋଟାରେ ଆଉ ଜଣେ ମେଧାବୀ ଛାତ୍ରୀଙ୍କ ଆତ୍ମହତ୍ୟା । ସେ କାହିିଁ ଆତ୍ମହତ୍ୟା କଲେ ତା’ର କାରଣ ଲେଖିଥିବା ଚିଠିକୁ ଜବତ କରିଛି ପୋଲିସ, ଯାହା ସୋସିଆଲ ମିଡିଆରେ ଭାଇରାଲ ହେଉଛି ।
Kanak News is now on WhatsApp
Join and get latest news updates delivered to you via WhatsApp
ମିଳିଥିବା ସୂଚନା ଅନୁଯାସୟୀ ଗତକାଲି ନିହାରିକା ସିଂହ ନାମକ ଛାତ୍ରୀ ନିଜ ଘରେ ଆତ୍ମହତ୍ୟା କରିଛନ୍ତି। ତାଙ୍କ ବାପା ଜଣେ ବ୍ୟାଙ୍କ କର୍ମଚାରୀ। ତାଙ୍କ ସହିତ ଘରେ ରହି ଜେଇଇ ପାଇଁ ପ୍ରସ୍ତୁତି ଚଳାଇଥିଲେ ନିହାରିକା। ଗତକାଲି ତାଙ୍କର ମୃତଦେହ ଘର ଭିତରେ ଝୁଲନ୍ତା ଅବସ୍ଥାରେ ମିଳିଥିଲା। ସେଠାରୁ ଏହି ସୁଇସାଇଡ୍ ନୋଟ୍ ମିଳିଛି। ଯାହା ଜଣାପଡ଼ୁଛି ଦ୍ବାଦଶ ଶ୍ରେଣୀରେ ପଢ଼ୁଥିବା ନିହାରିକା ଜେଇଇ ପାଇଁ ଭୀଷଣ ଚାପରେ ଥିଲେ। ପୁଲିସ ସୁଇସାଇଡ୍ ନୋଟ୍ ଜବତ କରିବା ସହିତ ଶବ ବ୍ୟବଚ୍ଛେଦ ରିପୋର୍ଟକୁ ଅପେକ୍ଷା କରିଛି। ଏହାପରେ ହିଁ ମୃତ୍ୟୁର କାରଣ ଏବଂ କେଉଁ ପରିସ୍ଥିତିରେ ସେ ଆତ୍ମହତ୍ୟା କଲେ ତାହା ଜଣାପଡ଼ିବ ବୋଲି ପୁଲିସ ପକ୍ଷରୁ କୁହାଯାଇଛି। ନିହାରିକାଙ୍କ ଜଣେ ସଂପର୍କୀୟ କହିଛନ୍ତି, ସେ ଜଣେ ଭଲ ଛାତ୍ରୀ ଥିଲେ ଏବଂ ଦିନକୁ ୭ରୁ ୮ ଘଣ୍ଟା ପରିଶ୍ରମ କରୁଥିଲେ। ଜେଇଇ ସହିତ ଆଉ ଥରେ ଦ୍ୱାଦଶ ଶ୍ରେଣୀରେ ପରୀକ୍ଷା ଦେବାଲାଗି ନିହାରିକା ପ୍ରସ୍ତୁତି ଚଳାଇଥିଲେ। ଜଣେ ମେଧାବୀ ଛାତ୍ରୀ ଏଭଳି ଆତ୍ମହତ୍ୟା କରିବେ ବୋଲି ତାଙ୍କର ପରିବାର ଲୋକ ବିଶ୍ୱାସ କରିପାରୁନାହାଁନ୍ତି ।
ଜାନୁଆରି ମାସରେ ଏହା ହେଉଛି କୋଟାରେ ଦ୍ୱିତୀୟ ଆତ୍ମହତ୍ୟା। ଏହାପୂର୍ବରୁ ଗତ ୨୩ ତାରିଖରେ ଉତ୍ତର ପ୍ରଦେଶ ମୋରାଦାବାଦର ଛାତ୍ର ମହମ୍ମଦ ଜୈଦ୍ (୧୯) ଆତ୍ମହତ୍ୟା କରିଥିଲେ। ନିଟ୍ ପରୀକ୍ଷା ଲାଗି ସେ କୋଟାରେ କୋଚିଂ ନେଉଥିଲେ। ହଷ୍ଟେଲରେ ରହି ସେ ପ୍ରସ୍ତୁତି ଚଳାଇଥିଲେ। ସେ ମଧ୍ୟ ଅତ୍ୟଧିକ ଚାପ ଯୋଗୁଁ ଆତ୍ମହତ୍ୟା କରିଥିବା ଜଣାପଡିଛି ।