ଭିଜିଲାନ୍ସ ଜାଲରେ ଆଉ ଜଣେ କୋଟିପତି ସହକାରୀ ଯନ୍ତ୍ରୀ : ୧ କୋଟି ୫୫ ଲକ୍ଷରୁ ଅଧିକ ଟଙ୍କାର ସମ୍ପତ୍ତି ଠାବ କଲା ଭିଜିଲାନ୍ସ ; ଯନ୍ତ୍ରୀଙ୍କ ନାଁରେ ଗଞ୍ଜାମ ଜିଲ୍ଲାର ବିଭିନ୍ନ ସ୍ଥାନରେ ରହିଛି ୧୯ ଟି ପ୍ଲଟ୍
କନକ ବ୍ୟୁରୋ : ଆଉ ଜଣେ କୋଟିପତି ଯନ୍ତ୍ରୀଙ୍କୁ ଠାବ କରିଛି ଭିଜିଲାନ୍ସ । ଭୁବନେଶ୍ୱର ଆର-ଆଣ୍ଡ- ବି ଡିଭିଜନ-୫ର ସହକାରୀ ଯନ୍ତ୍ରୀ ସାରଦା ପ୍ରସାଦ ଗୌଡଙ୍କ ବାସଭବନ ସମେତ ୪ଟି ସ୍ଥାନରେ ଚଢ଼ାଉ କରିଥିଲା ଭିଜିଲାନ୍ସ । ଚଢ଼ାଉ ସମୟରେ ତାଙ୍କ ନିକଟରୁ ୧ କୋଟି ୫୫ ଲକ୍ଷ ୪୮ ହଜାର ୫୧୭ ଟଙ୍କାର ସମ୍ପତି ଠାବ କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ତାଲିକାରେ ସାରଦାଙ୍କର ଭୁବନେଶ୍ୱରରେ ୪୭ ଲକ୍ଷ ୮୫ ହଜାର ୩୪୦ ଟଙ୍କାର ଏକ ତିନି ମହଲା ବିଶିଷ୍ଟ ଘର, ବ୍ରହ୍ମପୁରରେ ୩୬ ଲକ୍ଷ ୧୧ ହଜାର ଟଙ୍କା ମୂଲ୍ୟର ଏକ ଫ୍ଲାଟ୍, ଗଞ୍ଜାମର ବିଭିନ୍ନ ସ୍ଥାନରେ ୧୯ଟି ପ୍ଲଟ, ଗୋଟିଏ ୪ ଚକିଆ ଗାଡି , ୨ଟି ଦୁଇ ଚକିଆ ଗାଡି, ବ୍ୟାଙ୍କ ଓ ପୋଷ୍ଟଅଫିସରେ ୧୨ ଲକ୍ଷ ୮୫ ହଜାର ୫୭୧ ଟଙ୍କା, ଇନସୁରାନ୍ସରେ ୭ ଲକ୍ଷ ୨୮ ହଜାର ୯୮୦ ଟଙ୍କା, ୩ ଲକ୍ଷ ୧୬ ହଜାର ୮୪୦ ଟଙ୍କା ମୂଲ୍ୟର ସୁନା ଅଳଙ୍କାର, ନଗଦ ୫୪ ହଜାର ଟଙ୍କା ଓ ୧୫ ଲକ୍ଷ ୪୫ ହଜାର ଟଙ୍କାର ଘରକରଣା ସାମଗ୍ରୀକୁ ଠାବ କରିଛି ଭିଜିଲାନ୍ସ ।