ଅନୁଗୁଳରେ ପୁଣି ଜଣେ କରୋନା ଆକ୍ରାନ୍ତଙ୍କ ଆତ୍ମହତ୍ୟା, ପଜିଟିଭ ଚିହ୍ନଟ ପରେ ବେକରେ ରଶି ଦେଇ ଜୀବନ ହାରିଲେ ଛେଣ୍ଡିପଦାର ଯୁବକ ।
କନକ ବ୍ୟୁରୋ: ପୁଣି ଭୂତାଣୁ ଭୟରେ ଗଲା ଜୀବନ । ଆତ୍ମହତ୍ୟା କଲେ ଆକ୍ରାନ୍ତ । କରୋନା ଭୂତାଣୁ ଦ୍ୱାରା କବଳିତ ହେବା ପରେ ମାନସିକ ସ୍ଥିତି ହରାଇ ଆତ୍ମହତ୍ୟା କରିଛନ୍ତି । ଅନୁଗୁଳ ଜିଲ୍ଲା ଛେଣ୍ଡିପଦା ଥାନା ସାପୁଇନାଳି ଗାଁରେ ଜଗବନ୍ଧୁ ବାଘ କରୋନା ପଜିଟିଭ ବୋଲି ଜଣାପଡିବା ପରେ ଏଭଳି ଚରମ ନିଷ୍ପତ୍ତି ନେଇଛନ୍ତି । ଜଗବନ୍ଧୁ ୫ ଦିନ ତଳେ କରୋନା ପରୀକ୍ଷା କରାଇଥିଲେ । କରୋନା ସଂକ୍ରମିତ ବୋଲି ଚିହ୍ନଟ ହେବା ପରେ ଡାକ୍ତରଖାନାକୁ ନେବା ପାଇଁ ଆମ୍ବୁଲାନ୍ସ ଆସିଥିଲା । ହେଲେ ସେ ଯାଇନଥିଲେ । ଘରେ ରହୁଥିବା ବେଳେ ପାରିବାରିକ ବୋଝ ଓ ସାମାଜିକ କଟକଣା ଯୋଗୁଁ ମାନସିକ ଭାରସ୍ୟାମ ହରାଇ ଆତ୍ମହତ୍ୟା କରିଥିବା କୁହାଯାଉଛି ।
Kanak News is now on WhatsApp
Join and get latest news updates delivered to you via WhatsApp
ତେବେ ସୂଚନା ମୁତାବକ, ନିକଟସ୍ଥ କାଠପାଳ ଗାଁର ଅଣାଜୋର ନଳ ନିକଟରେ ଏକ ଆମ୍ବ ଗଛରେ ରଶି ଲଗାଇ ଆତ୍ମହତ୍ୟା କରିଛନ୍ତି ଜଗବନ୍ଧୁ । ପୁଲିସ ମୃତଦେହକୁ ଜବତ କରି ଏକ ଅପମୃତ୍ୟୁ ମାମଲା ରୁଜୁ କରିଛି । ପୂର୍ବରୁ ମଧ୍ୟ ଏହି ଛେଣ୍ଡିପଦା ରାଇଝରଣ ଗାଁରେ କରୋନା ଆକ୍ରାନ୍ତ ନଦୀକୁ ଡେଇଁ ଆତ୍ମହତ୍ୟା କରିଥିଲେ । ତେବେ କରୋନାକୁ ନେଇ ସତର୍କ ଓ ସଚେତନ ରହିବା ପାଇଁ ସରକାର କହୁଥିବା ବେଳେ ଆକ୍ରାନ୍ତ ମାନସିକ ଭାରସ୍ୟାମ ହରାଇ ଏଭଳି ଚରମ ନିଷ୍ପତି ନେଉଛନ୍ତି ।