କନକ ବ୍ୟୁରୋ : କାବୁଲ ଏୟାରପୋର୍ଟ ଉପରେ ପୁଣି ଥରେ ହୋଇପାରେ ଆତଙ୍କବାଦୀ ଆକ୍ରମଣ । ଏନେଇ ସତର୍କ କରାଇଛନ୍ତି ଆମେରିକା ରାଷ୍ଟ୍ରପତି ଜୋ ବାଇଡେନ୍ । ୨୪ରୁ ୩୬ ଘଂଟା ମଧ୍ୟରେ ଆକ୍ରମଣ ନେଇ ଆଶଙ୍କା ପ୍ରକାଶ କରିଛନ୍ତି ବାଇଡେନ୍ । ଆମେରିକା ସୈନ୍ୟ ଓ ସାଧାରଣ ଲୋକଙ୍କ ଉପରେ ଆତଙ୍କବାଦୀ ଆକ୍ରମଣ ନେଇ ସେ ଆଶଙ୍କା ପ୍ରକାଶ କରିଛନ୍ତି । ସୈନ୍ୟ କମାଣ୍ଡର ତାଙ୍କୁ ଏନେଇ ସୂଚନା ଦେଇଥିବା କହିଛନ୍ତି ଜୋ ବାଇଡେନ୍ । ଆମେରିକା ରାଷ୍ଟ୍ରପତି କହିଛନ୍ତି, ପରିସ୍ଥିତି ଯେତେ ବି ଖରାପ ହେଉନା କାହିଁକି ଲୋକଙ୍କୁ ଆଫଗାନିସ୍ତାନରୁ ବାହାରକୁ ଆଣିବା ପାଇଁ ପ୍ରୟାସ ଜାରି ରହିବ । ଗୁରୁବାର କାବୁଲ ଏୟାରପୋର୍ଟରେ ଦୁଇଟି ବିସ୍ଫୋରଣ ହୋଇଥିଲା । ଏଥିରେ ୧୩ ଜଣ ଆମେରିକା ସୈନିକଙ୍କ ମୃତ୍ୟୁ ହୋଇଥିଲା । ଏହାର ପ୍ରତିଶୋଧ ନେଇଥିଲା ଆମେରିକା । ଆଇଏସଆଇଏସ- ଖୋରାସାନର ଆଡ୍ଡା ଉପରେ ଆକ୍ରମଣ କରିଥିଲେ ଆମେରିକା ସେନା ।
Kanak News is now on WhatsApp
Join and get latest news updates delivered to you via WhatsApp
ସେପଟେ ତାଲିବାନ ଦ୍ୱାରା ବାଗ୍ରାମ୍ ଜେଲରୁ ମୁକ୍ତ ହେବା ପରେ ଅତି କମରେ ୧୪ ଜଣ କେରଳୀ ଇସ୍ଲାମିକ୍ ଷ୍ଟେଟ୍-ଖୁରାସାନ୍ ଆତଙ୍କବାଦୀ ସଂଗଠନରେ ସାମିଲ ହୋଇଥିବା ଜଣାପଡ଼ିଛି । ଯାହାକି ଭାରତ ପାଇଁ ଚିନ୍ତା ବଢାଇ ଦେଇଛି । କେରଳରୁ ଯାଇଥିବା ଏହି ଯୁବକମାନେ ଭାରତ ବାହାରେ ଅତଙ୍କବାଦୀ କାର୍ଯ୍ୟକଳାପରେ ଜଡିତ ରହିଲେ ଭାରତ ବଦନାମ ହେବ ଓ ଆଇଏସ୍ ସେମାନଙ୍କ ଭାରତ ବିରୋଧରେ ବ୍ୟବହାର କରିବେ । ଏହି ଆତଙ୍କବାଦୀମାନେ ଅଗଷ୍ଟ ୨୬ରେ କେତେକ ପାକ୍ ଆତଙ୍କବାଦୀଙ୍କ ସହିତ କାବୁଲସ୍ଥିତ ତୁର୍କମେନିସ୍ତାନ ଦୂତାବାସରେ ବିସ୍ଫୋରଣ ଘଟାଇବାକୁ ଯାଉଥିଲେ । ସେମାନଙ୍କୁ ସୁନ୍ନି ପାସ୍ତୁନ ଆତଙ୍କବାଦୀମାନେ ଅଟକାଇଥିବା ଜଣାପଡ଼ିଛି । ଫଳରେ ଏକ ବଡ଼ ଧରଣର ଆକ୍ରମଣ ଯୋଜନା ପଣ୍ଡ ହୋଇଛି ।