ଆକ୍ରାନ୍ତଙ୍କ ସଂଖ୍ୟା ବଢୁଥିବାବେଳେ ଆସିଲା ଭଲ ଖବର । ରାଜ୍ୟରେ କରୋନାରୁ ଏକାଥରେ ୫୩ ସୁସ୍ଥ, ରାଜ୍ୟରେ ମୋଟ୍ ସୁସ୍ଥଙ୍କ ସଂଖ୍ୟା ୫୫୦କୁ ବୃଦ୍ଧି ।
କନକ ବ୍ୟୁରୋ : ରାଜ୍ୟବାସୀଙ୍କ ପାଇଁ ବଡ ଖବର | ଆଜି ସୁସ୍ଥ ହୋଇଛନ୍ତି ୫୩ଜଣ କରୋନା ଆକ୍ରାନ୍ତ | ୫୩ଜଣଙ୍କ ମଧ୍ୟରୁ ଗଞ୍ଜାମରୁ ୩୦ଜଣ, ଯାଜପୁରରୁ ୧୮, ଖୋର୍ଦ୍ଧାରୁ ୩ଜଣ ଏବଂ କେନ୍ଦୁଝରରୁ ୨ଜଣ ସୁସ୍ଥ ହୋଇଥିବା ନେଇ ଟୁଇଟ କରି ସୂଚନା ଦେଇଛି ରାଜ୍ୟ ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗ | ନୂତନ ସୁସ୍ଥଙ୍କୁ ମିଶାଇ ରାଜ୍ୟରେ ମୋଟ ସୁସ୍ଥଙ୍କ ସଂଖ୍ୟା ୫୫୦ରେ ପହଞ୍ଚିଛି | ସେହିଭଳି ଭାବରେ ରାଜ୍ୟରେ ଏବେ ମୋଟ କରୋନା ଆକ୍ରାନ୍ତଙ୍କ ସଂଖ୍ୟା ୧୩୩୫ ଥିବା ବେଳେ ୭୭୮ଟି ସକ୍ରିୟ ମାମଲା ରହିଛି | ଏହା ସହ ୭ଜଣ କରୋନା ଦ୍ୱାରା ଆକ୍ରାନ୍ତ ହୋଇ ମୃତ୍ୟୁବରଣ କରିଛନ୍ତି |
Kanak News is now on WhatsApp
Join and get latest news updates delivered to you via WhatsApp
Another 53 #Covid19 patients have recovered and are being discharged.
30 are from Ganjam,
18 from Jajpur,
3 from Khordha and
2 from Keonjhar.The total recovered cases of #Odisha now stand at 550.
— H & FW Dept Odisha (@HFWOdisha) May 24, 2020
ତେବେ ଆଜି ସକାଳେ ଆଉ ୬୭ ଜଣ ନୂଆ କରୋନା ପଜିଟିଭ୍ ଚିହ୍ନଟ ହୋଇଛନ୍ତି । ଏହାକ ମିଶାଇ ରାଜ୍ୟରେ କରୋନା ଆକ୍ରାନ୍ତ ସଂଖ୍ୟା ୧୩ ଶହ ଅତିକ୍ରମ କରିଛି । ୬୭ ନୂଆ ଆକ୍ରାନ୍ତଙ୍କୁ ମିଶାଇ ମୋଟ୍ ଆକ୍ରାନ୍ତ ସଂଖ୍ୟା ୧୩ ଶହ ୩୬ ଛୁଇଁଛି । ସେପଟେ ରାଜ୍ୟରେ ନୂଆ ଜିଲ୍ଲା ଭାବେ ନୂଆପଡାରେ ପଶିଛି କରୋନା । ନୂଆପଡାରେ ଜଣେ ଆକ୍ରାନ୍ତ ଚିହ୍ନଟ ହୋଇଛନ୍ତି । ନୂଆ ୬୭ ଆକ୍ରାନ୍ତଙ୍କ ମଧ୍ୟରୁ ପୁରୀରୁ ୧୬, ନୟାଗଡରୁ ୧୩, ଗଂଜାମରୁ ୭, ଖୋର୍ଧାରୁ ୩, କଟକରୁ ୨, ସୁନ୍ଦରଗଡରୁ ୪, କଳାହାଣ୍ଡିରୁ୪ , ବଲାଙ୍ଗିରରୁ ୭, ମାଲକାନଗିରିରୁ ୨, ଢେଙ୍କାନାଳ, ନୂଆପଡା ଏବଂ ଜଗତସିଂହପୁର ଜିଲ୍ଲାରୁ ଜଣେ ଲେଖାଏଁ ନୂଆ ଆକ୍ରାନ୍ତ ଚିହ୍ନଟ ହୋଇଛନ୍ତି । ମୋଟ୍ ୬୭ ନୂଆ ଆକ୍ରାନ୍ତଙ୍କ ମଧ୍ୟରୁ କ୍ୱାରେଂଟିନ ସେଂଟରରୁ ୬୦ ଜଣ, ହୋମ୍ କ୍ୱାରେଂଟିନରୁ ୪ ଜଣ ଏବଂ ୩ ଜଣ ସାଧାରଣ ଲୋକଙ୍କ ନିକଟରେ ଠାବ ହୋଇଛି କୋଭିଡ୍ ୧୯ ଭୂତାଣୁ । ଏବେ ଏହି ନୂଆ ଆକ୍ରାନ୍ତଙ୍କ ଟ୍ରାଭେଲ ହିଷ୍ଟ୍ରି ଓ କଂଟାକ୍ଟ ଟ୍ରେସିଂ କରାଯିବ । ରାଜ୍ୟରେ ଏବେ ମୋଟ୍ କରୋନା ଆକ୍ରାନ୍ତ ସଂଖ୍ୟା ୧୩ ଶହ ୩୬ ରହିଛି ।