ରାଜ୍ୟରେ ଆଉ ୧୨୨୦ ପଜିଟିଭ ଚିହ୍ନଟ,୧୫ ମୃତ : ସଙ୍ଗରୋଧରୁ ୭୦୩ ଓ ସ୍ଥାନୀୟ ଅଞ୍ଚଳରୁ ୫୧୭; ମୋଟ ଆକ୍ରାନ୍ତଙ୍କ ସଂଖ୍ୟା ୩,୦୫,୦୦୦ କୁ ବୃଦ୍ଧି
କନକ ବ୍ୟୁରୋ : ଓଡ଼ିଶାରେ ଦୈନିକ ସଂକ୍ରମଣ ସଂଖ୍ୟା ନିୟମିତ ଭାବେ କମିବାରେ ଲାଗିଛି । ଓଡ଼ିଶାରେ ଗତ ୨୪ ଘଣ୍ଟାରେ ୧୨୨୦ ଟି ନୂଆ କରୋନା ସଂକ୍ରମଣ ମାମଲା ଚିହ୍ନଟ ହୋଇଛି । ଏଗୁଡ଼ିକ ମଧ୍ୟରୁ ୫୧୭ ଟି ସ୍ଥାନୀୟ ସଂକ୍ରମଣ ଥିବାବେଳେ ୭୦୩ ଟି ମାମଲା କ୍ୱାରାଣ୍ଟାଇନ କେନ୍ଦ୍ରରୁ ଚିହ୍ନଟ ହୋଇଛି । ଚିହ୍ନଟ ହୋଇଥିବା ୧୨୨୦ଟି ମାମଲା ମଧ୍ୟରୁ ଖୋର୍ଦ୍ଧାରୁ ସର୍ବାଧିକ ୧୩୪ ଟି, ସୁନ୍ଦରଗଡ଼ରୁ ୧୧୯ଟି ଓ କଟକ ଜିଲ୍ଲାରୁ ୯୬ ଟି ମାମଲା ରହିଛି । ସେହିପରି ପୁରୀରୁ ୬୦ଟି, ଜଗତସିଂହପୁରରୁ ୫୯, ବରଗଡ଼ରୁ ୬୦, ବାଲେଶ୍ୱରରୁ ୨୧, ଅନୁଗୁଳରୁ ୫୮ଟି, ମୟୁରଭଞ୍ଜରୁ ୪୬, ଝାରସୁଗୁଡ଼ାରୁ ୩୨, ନୂଆପଡ଼ାରୁ ୬୬, ସମ୍ବଲପୁରରୁ ୪୦, ବଲାଙ୍ଗୀରରୁ ୩୩ଟି ମାମଲା ଚିହ୍ନଟ ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ଅନ୍ୟପକ୍ଷରେ କେନ୍ଦୁଝରରୁ ୪୮ ଟି, ନବରଂଗପୁରରୁ ୧୪ଟି, କୋରାପୁଟରୁ ୨୧ଟି, ରାୟଗଡ଼ାରୁ ୫ଟି, ସୋନପୁରରୁ ୧୩ଟି, ଭଦ୍ରକରୁ ୨୮ଟି, ନୟାଗଡ଼ରୁ ୨୦ଟି, ଢେଙ୍କାନାଳରୁ ୨୬ଟି ଏବଂ ରାଜ୍ୟ ପୁଲରୁ ୨୧ଟି ମାମଲା ଚିହ୍ନଟ ହୋଇଛି । ଆଉ ୧୫ଜଣ କରୋନାରେ ପ୍ରାଣ ହରାଇଥିବା ବେଳେ ସମୁଦାୟ ମୃତ୍ୟୁସଂଖ୍ୟା ୧୪୬୯ରେ ପହଞ୍ଚିଛି । ମୃତକଙ୍କ ମଧ୍ୟରେ ବାଲେଶ୍ୱରରୁ ସର୍ବାଧିକ ୪ଜଣ ରହିଛନ୍ତି । ଏହା ସହ କଟକରୁ ୩ଜଣ ମୃତ୍ୟୁବରଣ କରିଥିବା ବେଳେ ଜଗତସିଂହପୁରରୁ ୨ଜଣ, ଭୁବନେଶ୍ୱର ଏବଂ ଅନୁଗୁଳରୁ ଜଣେ ଲେଖାଏଁ କରୋନା ଆକ୍ରାନ୍ତଙ୍କ ମୃତ୍ୟୁ ଘଟିଛି । ତେବେ ମୃତ୍ୟୁବରଣ କରିଥିବା ଅନ୍ୟ ୪ଜଣଙ୍କ ସୂଚନା ଦେଇନାହିଁ ସ୍ୱାସ୍ଥ୍ୟ ଏବଂ ପରିବାର କଲ୍ୟାଣ ବିଭାଗ ।
୧୨୨୦ ଟି ନୂଆ ମାମଲା ସହ ଓଡ଼ିଶାର ମୋଟ କରୋନା ସଂକ୍ରମଣ ମାମଲା ସଂଖ୍ୟା ୩ ଲକ୍ଷ ୫ ହଜାରରେ ପହଞ୍ଚିଛି । ଏହା ମଧ୍ୟରୁ ସକ୍ରିୟ ସଂକ୍ରମଣ ସଂଖ୍ୟା ୧୨୩୪୧ ଥିବାବେଳେ ୨୯୧୧୩୭ ଜଣ ଆରୋଗ୍ୟ ଲାଭ କରିଛନ୍ତି । ଗତ ୨୪ ଘଣ୍ଟାରେ ରାଜ୍ୟରେ ୧୪୪୮ ଜଣ କରୋନା ସଂକ୍ରମିତ ଆରୋଗ୍ୟ ଲାଭ କରିଛନ୍ତି । ରାଜ୍ୟରେ ଏପର୍ଯ୍ୟନ୍ତ ୫୦୭୭୧୧୯ ଟି କରୋନା ପରୀକ୍ଷା କରାଯାଇଛି ।