ପୁନଃ ନିଯୁକ୍ତି ଦାବିରେ ଲୋୟର ପିଏମଜିରେ ଠିକା ସ୍ୱାସ୍ଥ୍ୟକର୍ମୀଙ୍କ ଧାରଣା: ୩ ମାସର ଅବଧି ଶେଷ ହେବା ପରେ ଯାଇଛି ୭ ହଜାର ସ୍ୱାସ୍ଥ୍ୟ କର୍ମୀଙ୍କ ଚାକିରୀ; ନିଯୁକ୍ତି ଦେବାକୁ ମୁଖ୍ୟମନ୍ତ୍ରୀଙ୍କୁ ଅନୁରୋଧ
କୋଭିଡ୍ ସମୟରେ ଅସ୍ଥାୟୀ ଭାବେ ନିଯୁକ୍ତି ଦେଇଥିଲେ ସରକାର
କନକ ବ୍ୟୁରୋ: ପୁନଃ ନିଯୁକ୍ତି ଦାବି କରି ମୁଖ୍ୟମନ୍ତ୍ରୀଙ୍କୁ ଏଏନଏମ ଠିକା ସ୍ୱାସ୍ଥ୍ୟ କର୍ମଚାରୀଙ୍କ ଅନୁରୋଧ । କରୋନା ମହାମାରୀ ସମୟରେ ସରକାରଙ୍କ ନିର୍ଦ୍ଦେଶ ମୁତାବକ ୩ ମାସ ପାଇଁ ଠିକା କର୍ମଚାରୀ ଭାବେ ନିଯୁକ୍ତି ପାଇଥିଲେ ଏଏନଏମ ସ୍ୱାସ୍ଥ୍ୟକର୍ମୀ । ଏବେ ସେମାନଙ୍କ ଠିକା ଅବଧି ଶେଷ ହେବା ପରେ ଆଉ କାର୍ଯ୍ୟରେ ନାହାଁନ୍ତି ଏହି ସ୍ୱାସ୍ଥ୍ୟକର୍ମୀ । ଏହାର ପ୍ରତିବାଦରେ ସ୍ୱାସ୍ଥ୍ୟକର୍ମୀମାନେ ୫ ଦିନ ହେବ ଲୋୟର ପିଏମଜିରେ ଧାରଣା ଦେଇଛନ୍ତି । ଏପରିକି ସାମାଜିକ ଗଣମାଧ୍ୟମରେ ସେମାନଙ୍କ ଦୁଃଖ କହି ଭିଡିଓ ପୋଷ୍ଟ କରି ସେମାନଙ୍କ ଦାବି ରଖୁଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସେମାନଙ୍କ କହିବା କଥା ଭୟଙ୍କର କରୋନା ସମୟରେ କୋଭିଡ୍ କେୟାର ହୋମରେ ନିଜର ଜୀବନକୁ ପାଣି ଛଡାଇ ଆକ୍ରାନ୍ତଙ୍କ ସେବା କରିଥିଲେ । ଏବେ ସ୍ଥାୟୀ ଭାବେ ନିଯୁକ୍ତି ଦେବାକୁ ଦାବି କରିବାରୁ ସ୍ୱାସ୍ଥ୍ୟ ମନ୍ତ୍ରୀ ନବକିଶୋର ଦାସ ବିଭିନ୍ନ ଆଳ ଦେଖାଇ ଖସିଯିବାକୁ ଉଦ୍ୟମ କରୁଛନ୍ତି । ତେଣୁ ମୁଖ୍ୟମନ୍ତ୍ରୀଙ୍କ ଉପରେ ବିଶ୍ୱାସ ଓ ଭରଷା ଅଛି ସେ ସେମାନଙ୍କର ଦୁଃଖ ବୁଝିବେ ବୋଲି ଆଶା ଥିବା କହିଛନ୍ତି ଧାରଣାରେ ଥିବା ସ୍ୱାସ୍ଥ୍ୟ କର୍ମୀ । କୋଭିଡ୍ ସମୟରେ ସାତ ହଜାର ସ୍ୱାସ୍ଥ୍ୟ କର୍ମୀଙ୍କୁ ଅସ୍ଥାୟୀ ଭାବେ ନିଯୁକ୍ତି ଦେଇଥିଲେ ସରକାର ।