ଅନୁଗୁଳରେ ଅହରହ ଜଳୁଛି ଜୁଇ : ପିପିଇ କିଟ୍ ପିନ୍ଧି କରାଯାଉଛି ଶବଦାହ; ମଶାଣି ଭିତରେ ଏବଂ ବାହାରେ ଗଦା ହୋଇଛି ଟନ୍ ଟନ୍ କାଠ
କନକ ବ୍ୟୁରୋ : ମଶାଣିରେ ଗଦା ହୋଇଛି ଟନ୍ ଟନ୍ କାଠ । ଅହରହ ଜଳୁଛି ଜୁଇ । ପିପିଇ କିଟ୍ ପିନ୍ଧି କରାଯାଉଛି ଶବଦାହ । ମଶାଣି ଚିତ୍ରକୁ ଦେଖିଲେ କରୋନା ଜନିତ ମୃତ୍ୟୁକୁ ନେଇ ଆଶଙ୍କା ବଢୁଛି । ମୃତ୍ୟୁ ସଂଖ୍ୟାକୁ ନେଇ ପ୍ରଶାସନ ଦେଉଥିବା ତଥ୍ୟ ଓ ମଶାଣିର ଚିତ୍ର ଭିନ୍ନ କିଛି କହୁଛି । ଏ ହେଉଛି ଅନୁଗୁଳ ସହର ନିଟକ କରଡାଗାଡିଆ ସ୍ଥିତ ମୁକ୍ତିପଥର ଦୃଶ୍ୟ । ମଶାଣି ବାହାରେ ଓ ଭିତରେ ଟନ୍ ଟନ୍ କାଠ ଗଦା ହୋଇ ରହିଛି । ପ୍ରତି ଘଂଟାରେ ଏଠାକୁ ଶବ ବାହକ ଗାଡି ଆସୁଛି । ଗାଡି ଆସିବା ବେଳେକୁ ପ୍ରସ୍ତୁତ ହୋଇ ରହୁଛି ଜୁଇ ।
Kanak News is now on WhatsApp
Join and get latest news updates delivered to you via WhatsApp
ଅନୁଗୁଳ ଜିଲ୍ଲାରେ ଏବେ ସୁଦ୍ଧା ଆକ୍ରାନ୍ତଙ୍କ ସଂଖ୍ୟା ୨୯ ହଜାର ୪୯୪ ଥିବା ବେଳେ ପ୍ରତିଦିନ ଏଠାରେ ୧୦ରୁ ୧୫ ଶବ ଦାହ କରାଯାଉଛି । କରୋନାରେ ମୃତ ବ୍ୟକ୍ତିଙ୍କ ଶବଦାହ କରାଯାଉଥିବା ସ୍ଥାନୀୟ ଲୋକେ କହିଛନ୍ତି । ଅନ୍ୟପଟେ ଗାଁ ମାଝିରେ ସ୍ମଶାନ ଥିବାରୁ ଭୟଭୀତ ଅବସ୍ଥାରେ ଅଛନ୍ତି ଗ୍ରାମବାସୀ । କୋଭିଡ ଗାଇଡଲାଇନ୍ ଅନୁସାରେ, ଶବ ସକ୍ରାର କରାଯାଉନଥିବା ବେଳେ ଗାଁକୁ ସାନିଟାଇଜ୍ କରାଯାଉନଥିବା ଲୋକେ ଅଭିଯୋଗ କରିଛନ୍ତି । ତେବେ ମଶାଣିର ଚିତ୍ର ସତ, ନା ପ୍ରଶାସନ ଦେଉଥିବା ମୃତ୍ୟୁ ତଥ୍ୟ ସତ, ତାକୁ ନେଇ ପ୍ରଶ୍ନ ଉଠିଛି ।