ସୀମା ବିବାଦକୁ ପୁଣି ବଢାଇଲା ଆନ୍ଧ୍ରପ୍ରଦେଶ : ଓଡିଶା ଅଧିକାରୀ ସୀମା ଚିହ୍ନଟ କରି ଫେରିବାର ଦିନକ ପରେ ଆନ୍ଧ୍ରର ଦାଦାଗିରି
କୋରାପୁଟର ସୁନାବେଡା ଗାଁ ନିକଟରେ ପଥର ଗଦା କରି, ପତାକା ପୋତି ନୂଆ ସୀମା ଚିହ୍ନଟ କଲା ଆନ୍ଧ୍ର
କନକ ବ୍ୟୁରୋ : ସୀମାରେ ପୁଣି ଆନ୍ଧ୍ରପ୍ରଦେଶର ଦାଦାଗିରି । ଓଡିଶା ସୀମାର ଭିତରକୁ ଆସି ବାନା ପୋତିଛନ୍ତି ସୀମାନ୍ତବାସୀ । ସୀମାରେ ଥିବା ଆନ୍ଧ୍ରପ୍ରଦେଶର ବୁସିଗୁଣ୍ଠା, ଡେକାପଦର, କୋଳାପୁଟ, ବଡଲାମ୍ବ ଗ୍ରାମବାସୀ ଏକଜୁଟ ହୋଇ ସୁନାବେଡା ନିକଟ ରାସ୍ତାରେ ପଥର ଗଦା କରି ଆନ୍ଧ୍ରର ସୀମାନ୍ତ ଚିହ୍ନ ଦେବା ସହ ବାନା ପୋତିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଗତ ୧୮ତାରିଖରେ ଦୁଇ ରାଜ୍ୟର ଅଧିକାରୀମାନେ ଆଲୋଚନା କରିବା ପରେ ରାସ୍ତାରୁ ପଥର ହଟାଯାଇଥିଲା । ଗତ ଗୁରୁବାର ଓଡିଶା ପକ୍ଷରୁ ରାଜସ୍ୱ ନୀରିକ୍ଷକ ସୀମା ଚିହ୍ନଟ ପାଇଁ ଯାଇଥିଲେ । ଠିକ ଏହାର ଦିନକ ପରେ ଆନ୍ଧ୍ର ସୀମାରେ ବସବାସ କରୁଥିବା ଗ୍ରାମବାସୀ ପୁଣି ନୂଆ ବିବାଦ ସୃଷ୍ଟି କରିଛନ୍ତି । ଏହାର ସମାଧାନ ଯେତେ ବିଳମ୍ବ ହେଉଛି, ସେତେ ବିବାଦ ବୃଦ୍ଧି ପାଉଛି ।