କୋଟିଆରେ ଆନ୍ଧ୍ରର ପଞ୍ଚାୟତ ନିର୍ବାଚନ । ସୁପ୍ରିମକୋର୍ଟ ନିୟମର ଉଲ୍ଲଘଂନ କରୁଛି ଆନ୍ଧ୍ର । ରାଜନେତା କହିଲେ, ବରଦାସ୍ତ କରାଯିବନି ।
କନକ ବ୍ୟୁରୋ: ଦିନକୁ ଦିନ କୋଟିଆକୁ ନେଇ ବିବାଦ ତେଜିବାରେ ଲାଗିଛି । ଏକତରଫା ଆନ୍ଦ୍ର କୋଟିଆରେ ପଚାଂୟତ ନିର୍ବାଚନ କରୁଥିବା ବେଳେ ଏହାକୁ ସଫଳ ହେବାକୁ ଦିଆଯିବ ନାହିଁ । ରାଜ୍ୟ ସରକାର ଉଚିତ ପଦକ୍ଷେପ ନିଅନ୍ତୁ ନଚେତ୍ କୋରାପୁଟବାସୀ ଆନ୍ଧ୍ରରେ ଧସେଇ ପସିବେ କହିଛନ୍ତି ଜୟପୁର ବିଧାୟକ ତାରାପ୍ରସାଦ ବାହିନିପତି । ଅନ୍ୟପଟେ ତାରାଙ୍କ ସହ ଏହି କଥାରେ ସ୍ୱର ମିଳାଇଛନ୍ତି ବିଜେପି ନେତା ଭୃଗୁ ବକ୍ସିପାତ୍ର ।
Kanak News is now on WhatsApp
Join and get latest news updates delivered to you via WhatsApp
ଆଉ ଦିନକ ପରେ ଅର୍ଥାତ୍ ୧୩ ତାରିଖରେ କୋରାପୁଟ କୋଟିଆର ୩ଟି ପଚାଂୟତରେ ନିର୍ବାଚନ କରିବାକୁ ଯାଉଛି ଆନ୍ଧ୍ର । ୨ଟି ପଚାଂୟତ ତଳଗେଂଜଈପଦର ଓ ଫଗୁଣ ସିନେରିରେ ର୍ନିଦ୍ୱନ୍ଦରେ ର୍ପାଥୀ ଜିତିଥିବା ବେଳେ ଫାଟୁ ସିନେରିରେ ହେବ ନିର୍ବାଚନ । ଗୁପ୍ତ ଭାବେ ନିର୍ବାଚନ କରିବା ପାଇଁ ଆନ୍ଧ୍ରର ନେତା ଓ ପ୍ରଶାସନ ଅଧିକାରୀ ଲୋକଙ୍କୁ ଲୋଭ ଦେଖାଉଛନ୍ତି । ଆନ୍ଧ୍ରର ଲୋଭଣିଆ କଥାରେ କୋଟିଆବାସୀ ଓଡ଼ିଶା ମାଟିକୁ ଆପଣାର କହୁଥିଲେ ମଧ୍ୟ ଉଭୟ ଓଡ଼ିଶା ଓ ଆନ୍ଧ୍ରରେ ଭୋଟ ଦେଉଥିବା କହିଛନ୍ତି ।
କୋଟିଆରେ ନିର୍ବାଚନ ଆୟୋଜନ କରି ସୁପ୍ରିମକୋର୍ଟଙ୍କ ଆଦେଶକୁ ଉଲଙ୍ଘନ କରିଛି ଆନ୍ଧ୍ର । କୋଟିଆର ୨୧ଟି ଗାଁକୁ ନେଇ ଆନ୍ଧ୍ର-ଓଡ଼ିଶା ମଧ୍ୟରେ ବିବାଦ ଲାଗିଛି । ଏହାକୁ ନେଇ ୨୦୦୬ ମାର୍ଚ୍ଚ ୩ ତାରିଖରେ ସୁପ୍ରିମକୋର୍ଟରେ ମାମଲା ଦାୟର ହୋଇଥିଲା । ବିବାଦର ସମାଧାନ ନହେବାରୁ ସ୍ଥିତାବସ୍ଥା ବଜାୟ ରଖିଥିଲେ କୋର୍ଟ । କୋଟିଆବାସୀ ଓଡିଶାରେ ଭୋଟ ଦେଉଥିଲେ । କେବଳ ପ୍ରତିନିଧି ବାଛୁଥିବା ଆନ୍ଧ୍ର ଏବେ ନିର୍ବାଚନ ଆୟୋଜନ କରି କୋର୍ଟଙ୍କ ନିୟମର ଖୋଲା ଉଲଂଘନ କରିଛି, ଏହାକୁ ବରଦାସ୍ତ କରାଯିବ ନାହିଁ ବୋଲି କହିଛନ୍ତି ଓଡିଶାର ଜନପ୍ରତିନିଧି । ଏପଟେ ନିର୍ବାଚନ ସମୟ ଯେତିକି ପାଖଉଛି, ବିବାଦ ସେତିକି ତେଜୁଛି । ତେଣୁ ଆଗକୁ ଆନ୍ଧ୍ର କିପରି ନିର୍ବାଚନ କରୁଛି ତା ଉପରେ ସମସ୍ତଙ୍କ ନଜର ରହିଛି ।