ପୁଣି ଚମକିଲେ କିନ୍ନର ସଲମା। ସଫଳତା ପାଇଲେ, ରୋଲ ମଡେଲ ପାଲଟିଲେ।

277

କନକ ବ୍ୟୁରୋ: ସଂଘର୍ଷ, ପରିଶ୍ରମ ଓ ନିଷ୍ଠା ସଲମାଙ୍କୁ ଆଣିଦେଇଛି ସଫଳତା । ସର୍ବଭାରତୀୟ ଆଡଭୋକେଟ୍ ପରୀକ୍ଷାରେ ରାଜ୍ୟର ପ୍ରଥମ କିନ୍ନର ଆଇନଜୀବୀ ଭାବେ କୃତକାର୍ଯ୍ୟ ହୋଇଛନ୍ତି । କେନ୍ଦୁଝର ଜିଲ୍ଲା ଯୋଡା ବ୍ଲକ ରୋଏଡା ଗାଁର କିନ୍ନର ସଲମାଙ୍କ ଏହି ସଫଳତା ତାଙ୍କୁ ରାଜ୍ୟରେ କିନ୍ନରଙ୍କ ରୋଲ ମଡେଲ କରିଦେଇଛି । ପରୀକ୍ଷା ଫଳ ପ୍ରକାଶିତ ହେବା ପରେ ଖୁସି ଜାହିର କରିଛନ୍ତି ସଲମା । ଲୋକଙ୍କ ଭଲ ପାଇବା ହିଁ ତାଙ୍କୁ ଆଗକୁ ବଢିବା ପାଇଁ ପ୍ରେରଣା ଯୋଗାଉଥିବା କହିଛନ୍ତି ସଲମା ।

ସଲମା ଆଇନଜୀବୀ ଭାବେ ବାର କାଉନସିଲରୁ ଲାଇସେନ୍ସ ପାଇବା ପରଠୁ ବଡବିଲ ଜେଏମଏଫସି କୋର୍ଟରେ ପେଷାଦାର ଆଇନଜୀବୀ ଭାବେ କାମ କରୁଛନ୍ତି । ଆଉ ଏବେ ସେ ସମଗ୍ର ଦେଶରେ ଆଇନଜୀବୀ ଭାବେ ପରିଚୟ ହାସଲ କରିପାରିଛନ୍ତି । ଏଣିକି ଦେଶର ଯେକୌଣସି ଅଦାଲତରେ ଆଇନଜୀବୀ ଭାବେ ମକଦ୍ଦମା ଲଢିପାରିବେ ସଲମା । ଅତ୍ୟନ୍ତ ଗରିବ ଓ ସଂଖ୍ୟାଲଘୁ ପରିବାରରେ ଜନ୍ମିତ ସଲମା ଦୃଢ ଇଚ୍ଛା ଶକ୍ତି ଓ ପାଠ ପଢିବାର ନିଶା କାରଣରୁ ସଫଳତା ହାସଲ କରିପାରିଛନ୍ତି ।

ସର୍ବଭାରତୀୟ ଆଡଭୋକେଟ୍ ପରୀକ୍ଷାରେ ସଫଳତା ସଲମା ଏବେ କେବଳ କେନ୍ଦୁଝର ନୁହେଁ ବରଂ ପୁରା ରାଜ୍ୟର କିନ୍ନର ମାନଙ୍କ ପାଇଁ ରୋଲ ମଡେଲ ପାଲଟିପାରିଛନ୍ତି ।