କନକ ବ୍ୟୁରୋ : ଘରକୁ ଫେରିଲେ ମା’ ଅନପୂର୍ଣ୍ଣା । ଆଉ ତାହା ବି ପୁଣି ଦୀର୍ଘ ୧୦୦ ବର୍ଷ ପରେ । ମୋଦୀ ସରକାରଙ୍କ ପ୍ରୟାସ ଫଳରେ ୧୦୦ ବର୍ଷ ପୂର୍ବେ ବାରଣାସୀ ଚୋରି ହୋଇଥିବା ମା’ ଅନପୂର୍ଣ୍ଣାଙ୍କ ମୂର୍ତ୍ତି କାନାଡାରୁ ଭାରତକୁ ଆସିଛି । ମା’ଙ୍କର ଏହି ମୂର୍ତ୍ତିକୁ ଗୁରୁବାର ଉତ୍ତର ପ୍ରଦେଶ ସରକାରଙ୍କୁ ପ୍ରଦାନ କରାଯିବ । ଏହି ମୂର୍ତ୍ତିରେ ମା’ଙ୍କର ଗୋଟିଏ ହାତରେ କ୍ଷୀର ପାତ୍ର ଓ ଅନ୍ୟ ହାତରେ ଚାମଚ ଧରିଥିବାର ଦେଖିବାକୁ ମିଳିଛି । କୁହାଯାଉଛି ୧୯୧୩ ମସିହାରେ କାଶୀ ଘାଟରୁ ଏହି ମୂର୍ତ୍ତିକୁ ଚୋରାଇ ନିଆଯାଇଥିଲା । ଆଉ ଏହାକୁ ପରବର୍ତ୍ତୀ ସମୟରେ କାନାଡା ନିଆଯାଇଥିଲା ।
Kanak News is now on WhatsApp
Join and get latest news updates delivered to you via WhatsApp
ମିଳିଥିବା ସୂଚନା ମୁତାବକ, ମା’ ଅନପୂର୍ଣ୍ଣାଙ୍କ ଏହି ମୂର୍ତ୍ତି କାନାଡାର ଏକ ବିଶ୍ୱବିଦ୍ୟାଳୟରେ ରଖାଯାଇଥିଲା । ଏହାକୁ ଭାରତକୁ ଫେରାଇ ଆଣିବାକୁ ମୋଦୀ ସରକାରଙ୍କ ପକ୍ଷରୁ ବାରମ୍ବାର ପ୍ରୟାସ କରାଯାଉଥିଲା । ମା’ ଅନପୂର୍ଣ୍ଣାଙ୍କ ଏହି ପ୍ରାଚୀନ ମୂର୍ତ୍ତିକୁ ୧୫ ନଭେମ୍ବର ଦିନ କାଶୀ ବିଶ୍ୱନାଥ ଧାମରେ ପୁଣିଥରେ ସ୍ଥାପିତ କରାଯିବ । ତେବେ ଏହା ପୂର୍ବରୁ ୪ ଦିନ ଦର୍ଶନ ପାଇଁ ମା’ଙ୍କ ମୂର୍ତ୍ତି ରଖାଯିବ ।
An idol of Maa Annapurna, stolen from Varanasi about 100 years ago and retrieved from Canada recently, will be installed at Kashi Vishwanath Temple on 15th Nov. Govt of India will handover the idol to UP Govt, on 11th Nov at an event in Delhi. pic.twitter.com/QbuFXuMHHD
— ANI UP (@ANINewsUP) November 10, 2021
ଗତବର୍ଷ ପ୍ରଧାନମନ୍ତ୍ରୀ ମୋଦୀ ଏହି ମୂର୍ତ୍ତିକୁ ଭାରତ ଫେରାଇ ଆଣିବା ବାବଦରେ ସୂଚନା ଦେଇଥିଲେ । ଏହାକୁ କାନାଡାର ଏକ ବିଶ୍ୱବିଦ୍ୟାଳୟରେ ରଖାଯାଇଥିଲା । ତେବେ ଏହି ମୂର୍ତ୍ତି ବାବଦରେ ସେତେବେଳେ ଚର୍ଚ୍ଚା ଆରମ୍ଭ ହେଲା ଯେତେବେଳେ ଏହାକୁ ଏକ ପ୍ରଦର୍ଶନୀରେ ରଖିବାକୁ ଯୋଜନା ହେଉଥିଲା । ଆଉ ଏହି ମୂର୍ତ୍ତିକୁ ଦିବ୍ୟା ମେହେରା ନାମକ କଳାକାର ଦେଖିଥିଲେ । ପରେ ଏନେଇ ସରକାରଙ୍କୁ ଅବଗତ କରିବା ପରେ ଏହି ମୂର୍ତ୍ତିକୁ ଫେରାଇ ଆଣିବା ପାଇଁ ସରକାରଙ୍କ ପକ୍ଷରୁ ପ୍ରୟାସ ଆରମ୍ଭ ହୋଇଥିଲ । ଆଉ ଶେଷରେ ବିଶ୍ୱବିଦ୍ୟାଳୟରେ ଥିବା ଏହି ମୂର୍ତ୍ତିକୁ ଏବେ ଭାରତକୁ ହସ୍ତାନ୍ତର କରିଛି କାନାଡା ।