ଅମ୍ରିତଙ୍କ ପରବର୍ତ୍ତୀ ଚିକିତ୍ସା ପାଇଁ ବାଧକ ସାଜିଛି ଟଙ୍କା : ଆର୍ଥିକ ସହାୟତା ପାଇଁ ପ୍ରଧାନମନ୍ତ୍ରୀ ଓ ମୁଖ୍ୟମନ୍ତ୍ରୀଙ୍କୁ ଅପିଲ କଲେ ଅମ୍ରିତଙ୍କ ମାଆ
କୋଭିଡରେ ଫୁସଫୁସ ସଂକ୍ରମଣ ପରେ ଚେନ୍ନାଇରେ ଚାଲିଛି ଚିକିତ୍ସା
କନକ ବ୍ୟୁରୋ : ଏକମୋରେ ଚିକିସିତ ହେଉଥିବା ଅମ୍ରିତ ପ୍ରଧାନଙ୍କ ଫୁସଫୁସ୍ ପ୍ରତିରୋପଣ ହେବା ପରେ ଏବେ ପରବର୍ତ୍ତୀ ଚିକିତ୍ସା ପାଇଁ ବାଧକ ସାଜିଛି ଅର୍ଥ । ଆର୍ଥିକ ସହାୟତା ପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ନିବେଦନ କରିଛନ୍ତି ଅମ୍ରିତଙ୍କ ମାଆ । ଆର୍ଥିକ ସାହାଯ୍ୟ ମିଳିଲେ ପୁଅ ଭଲ ହୋଇ ଘରକୁ ଫେରିବ ବୋଲି ଅମ୍ରିତଙ୍କ ମାଆ କହିଛନ୍ତି । କିଛି ଦିନ ତଳେ ୧୯ ଘଂଟାର ଅପରେସନ୍ ପରେ ସଫଳତାର ସହ ଅମ୍ରିତଙ୍କର ଫୁସଫୁସ୍ ପ୍ରତିରୋପଣ କରାଯାଇଥିଲା । କୋଭିଡ୍ ଆକ୍ରାନ୍ତ ହୋଇ ଫୁସଫୁସ୍ ଜନିତ ସମସ୍ୟାରେ ପୀଡ଼ିତ ହୋଇଥିଲେ ଅମ୍ରିତ ।
Kanak News is now on WhatsApp
Join and get latest news updates delivered to you via WhatsApp
ପ୍ରାୟ ୧୪୧ ଦିନ ଧରି ଏକମୋ ଚିକିତ୍ସା ଚାଲିଥିବା ବେଳେ ବି ସ୍ୱାସ୍ଥ୍ୟରେ ସୁଧାର ନଆସିବାରୁ ଫୁସଫୁସ୍ ପ୍ରତିରୋପଣର ଆବଶ୍ୟକତା ଥିବା ପରାମର୍ଶ ଦେଇଥିଲେ ଚିକିତ୍ସା କରୁଥିବା ଡାକ୍ତର । ପରିବାର ଲୋକଙ୍କ ସୂଚନା ଅନୁସାରେ ସ୍ଥାନୀୟ ଅଂଚଳର ଜଣେ ଯୁବକ ଛାତରୁ ଖସି ଗୁରୁତର ଆହତ ହୋଇ ଡାକ୍ତରଖାନାରେ ଚିକିିତ୍ସିତ ହେଉଥିଲେ । ଦୀର୍ଘ ସମୟ ଧରି ଭେଂଟିଲେଟରରେ ରହିବା ପରେ ଜୀବନ ହାରିଥିଲେ । ସେହି ଯୁବକଙ୍କ ଫୁସଫୁସ୍ ପ୍ରତିରୋପଣ କରାଯାଇଛି । ପରିବାର ଲୋକ କହିଛନ୍ତି, ଅମ୍ରିତଙ୍କ ଚିକିତ୍ସା ପାଇଁ ଅଢେଇ କୋଟି ଟଙ୍କା ଖର୍ଚ୍ଚ ହେଲାଣି । ଅନଲାଇନ୍ ପେମେଂଟ ମାଧ୍ୟମରେ ଅନେକ ଲୋକ ସହାୟତା ଦେଇଥିଲେ । ଏବେ ପରିବର୍ତି ଚିକିତ୍ସା ପାଇଁ ଆର୍ଥିକ ଅଭାବ ଦେଖାଦେଇଛି । ଆର୍ଥିକ ସହାୟତା ପାଇଁ ଅମ୍ରିତଙ୍କ ମାଆ ନିବେଦନ କରିଛନ୍ତି ।