କେବିସିର ଅନ୍ତିମ ସପ୍ତାହରେ ହେବ ଧମାଲ ! ବିଗବିଙ୍କ ସହ ନଜର ଆସିବେ ଅନେକ ସୁପରଷ୍ଟାର
ଟିଆରପି ଦୌଡରେ ଟିଭିର ବାକି ଶୋ’କୁ ପଛରେ ପକାଇ ନମ୍ବର-୧ରେ ଥିବା କେବିସି ଏବେ ଅନ୍ତିମ ପର୍ଯ୍ୟାୟରେ ଏବଂ କାର୍ଯ୍ୟକ୍ରମର ଶେଷ ସପ୍ତାହକୁ ଅଧିକ ରଂଗୀନ କରିବାପାଇଁ ଶୋ’ର ନିର୍ମାତା ଏନେଇ ଏକ ବିଶେଷ କାର୍ଯ୍ୟକ୍ରମର ଆୟୋଜନ କରିଛନ୍ତି । ଯାହାକି ଶୋ’କୁ ଆହୁରି ଆକର୍ଷଣୀୟ କରିଦେବ ।
Kanak News is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ଏହି କାର୍ଯ୍ୟକ୍ରମ ଅନ୍ତିମ ସପ୍ତାହକୁ ଆହୁରି ଆକର୍ଷଣୀୟ କରିବା ସକାଶେ ଅନେକ ସେଲିବ୍ରିଟିଙ୍କୁ ଆମନ୍ତ୍ରଣ କରାଯାଇଛି । କେବିସିର ଏହି ଅନ୍ତିମ ସପ୍ତାହରେ ଦର୍ଶକମାନଙ୍କୁ ଅନେକ କିଛି ଦେଖିବାକୁ ମିଳିବ । ଆମି ନାମକ ଏକ ସ୍ପେଶାଲ ରୋବୋର୍ଟକୁ ଏହି ଶୋ’ରେ ଅଣାଯିବ । ଭିଡିଓ-ଏ-ଫ୍ରେଣ୍ଡ ହେତୁ ଏହା ବ୍ୟବହୃତ ହେବ । ଏହି ସପ୍ତାହରେ କାର୍ଯ୍ୟକ୍ରମ ୮.୩୦ରେ ପ୍ରସାରଣ ହେବ ।
ଏହି ଶୋ’ ସୋମବାରଠାରୁ ଶୁକ୍ରବାର ପର୍ଯ୍ୟନ୍ତ ଜିଓ କେବିସି ‘ପ୍ଲେ ଏଲଙ୍ଗ୍ ସ୍ପେଶାଲ ୱିକ୍’ହେବ । ବିଗ୍ ବିଙ୍କ ଶୋକୁ ଅନ୍ତିମ ପର୍ଯ୍ୟାୟରେ ରଂଗୀନ କରିବା ଲାଗି ବଲିଉଡ ଓ କ୍ରିକେଟ ଭିର୍ତ୍ତିକ କଳାକାରମାନେ ଯୋଗ ଦେବେ । ଅଭିନେତ୍ରୀ ବିଦ୍ୟା ବାଲାନ, ଯୁବରାଜ ସିଂ ଏବଂ ନୋବେଲ ବିଜେତା ପ୍ରାପ୍ତ କୈଳାସ ସତ୍ୟାର୍ଥୀ କେବିସିର ଏହି ଫାଇନାଲ ସପ୍ତାହରେ ବିଗ୍ ବିଙ୍କ ସହ ନଜର ଆସିବେ ।