କନକ ବ୍ୟୁରୋ: ଲୌହ ପୁରୁଷ ସର୍ଦ୍ଦାର ବଲ୍ଲଭ ଭାଇ ପଟେଲଙ୍କ ଜୟନ୍ତି ଅବସରରେ ଗଭୀର କ୍ଷୋଭ ପ୍ରକାଶ କରିଛନ୍ତି ଗୃହମନ୍ତ୍ରୀ ଅମିତ ଶାହ । ଦେଶକୁ ଭାଗ ଭାଗ କରିବାକୁ ଚକ୍ରାନ୍ତ କରୁଥିବା ଇଂରେଜମାନଙ୍କ ଯୋଜନା ପଣ୍ଡ କରିବା ସହ ‘ଅଖଣ୍ଡ ଭାରତ’ ଗଠନ କରିବାରେ ଭାରତର ପ୍ରଥମ ଉପପ୍ରଧାନମନ୍ତ୍ରୀ ସର୍ଦ୍ଦାର ବହ୍ଲବ ଭାଇ ପଟେଲଙ୍କ ଭୂମିକା ଅବର୍ଣ୍ଣନୀୟ । ଭାରତ ସ୍ୱାଧୀନତା ପାଇବା ପେ ବି ଇଂରେଜ ସରକାର ଦେଶକୁ ଭାଗ ଭାଗ କରିବା ପାଇଁ ଷଡଯନ୍ତ୍ର କରିଥିଲେ । ହେଲେ ଏହାକୁ ସଫଳ ହେବାକୁ ଦେଇନଥିଲେ ସର୍ଦ୍ଦାର ପଟେଲ । ଦେଶକୁ ଏକତାର ସୂତ୍ରରେ ବାନ୍ଧି ରଖିଥିବା ପଟେଲଙ୍କୁ କିନ୍ତୁ ମିିଳିନି ଉଚିତ ସମ୍ମାନ । ବରଂ ତାଙ୍କୁ ଭୁଲିଯିବାକୁ କରାଯାଇଛି ଅନେକ ଅପେଚେଷ୍ଟା । ସର୍ଦ୍ଦାର ପଟେଲଙ୍କ ୧୪୬ ତମ ଜନ୍ମ ଦିବସ ଉପଲକ୍ଷେ ଗୁଜୁରାଟରେ ନର୍ମଦା ଜିଲ୍ଲାରେ ପାଳିତ ହେଉଥିବା ରାଷ୍ଟ୍ରୀୟ ଏକତା ଦିବସରେ ଯୋଗଦେଇ ଏଭଳି କ୍ଷୋଭ ପ୍ରକାଶ କରିଛନ୍ତି ଅମିତ ଶାହ ।
Kanak News is now on WhatsApp
Join and get latest news updates delivered to you via WhatsApp
ଆଜି ଶାହ କେଭଦିଆରେ ଥିବା ସର୍ଦ୍ଦାର ପଟେଲଙ୍କ ବିଶ୍ୱର ସର୍ବୋଚ୍ଚ ପ୍ରତିମୂର୍ତ୍ତିରେ ଶ୍ରଦ୍ଧାଞ୍ଜଳି ଅର୍ପଣ କରି କହିଥିଲେ ଯେ, ରାଷ୍ଟୀୟ ଏକତା ଦିବସ ଏକ ସ୍ୱତନ୍ତ୍ର ଗୁରୁତ୍ୱ ବହନ କରେ । କେଭଦିଆ ଏକ ଜାଗା ନୁହେଁ ବରଂ ଏହା ହେଉଛି ଜାତୀୟ ଏକତା ଏବଂ ଦେଶପ୍ରେମର ଏକ ପବିତ୍ର ସ୍ଥାନ । ସର୍ଦ୍ଦାର ପଟେଲଙ୍କ ଏହି ଉଚ୍ଚ ପ୍ରତିମୂର୍ତି ବିଶ୍ୱକୁ ଏକ ଉଜ୍ଜ୍ୱଳ ଭାରତ ବର୍ଷର ବାର୍ତ୍ତା ଦେଉଛି । ଭାରତ ଅଖଣ୍ଡତାକୁ କେହି ବି କ୍ଷତି ପହଂଚାଇପାରିବେ ନାହିଁ ବୋଲି ଶାହ ଦୃଢୋକ୍ତି ପ୍ରକାଶ କରିଛନ୍ତି ।