ପାକିସ୍ତାନ ବିପକ୍ଷରେ ଟିମ୍ ଇଣ୍ଡିଆର ଦମଦାର୍ ବିଜୟ ପରେ ଟୁଇଟ୍ କରି ଅଭିନନ୍ଦନ ଜଣାଇଛନ୍ତି ଗୃହମନ୍ତ୍ରୀ ଅମିତ ଶାହା । ଟ୍ୱିଟର ଜରିଆରେ ପୁରା ଟିମକୁ ଶୁଭେଚ୍ଛା ଜଣାଇବା ସହ ଲେଖିଛନ୍ତି ଯେ ଭାରତୀୟ ଟିମ୍ ପକ୍ଷରୁ ପାକିସ୍ତାନ ଉପରେ ଆଉ ଏକ ଷ୍ଟ୍ରାଇକ୍ କରାଯାଇଥିଲା ଯାହାର ଫଳାଫଳ ମଧ୍ୟ ସମାନ ରହିଛି ଏବଂ ଭାରତର ଏହି ବିଜୟ ପାଇଁ ସମସ୍ତ ଦେଶବାସୀ ନିଜକୁ ଗର୍ବିତ ମନେକରୁଛନ୍ତି । କେବଳ ଗୃହମନ୍ତ୍ରୀ ଅମିତ ଶାହା ନୁହନ୍ତି, ପୂର୍ବତନ କ୍ରିକେଟର ସଚିନ ତେନ୍ଦୁଲକର ମଧ୍ୟ ଟୁଇଟ୍ କରି ଟିମ୍ ଇଣ୍ଡିଆକୁ ଶୁଭେଚ୍ଛା ଜଣାଇଛନ୍ତି ।

Advertisment

ଟିମ୍ ଇଣ୍ଡିଆ ଅଧିନାୟକ ବିରାଟ କୋହଲିଙ୍କ ସମେତ ଓପନର ଯୋଡି ରୋହିତ ଓ ଲୋକେଶ ରାହୁଲ, ହାର୍ଦ୍ଦିକ ପାଣ୍ଡ୍ୟା ଓ କୁଲଦୀପ ଯାଦବଙ୍କ ଦମଦାର୍ ପ୍ରଦର୍ଶନକୁ ପ୍ରଶଂସା କରିଛନ୍ତି ସଚ୍ଚିନ୍ । ସେହିପରି ବିରେନ୍ଦ୍ର ସେହୱାଗ ଓ ବିରାଟ କୋହଲି ମଧ୍ୟ ବିଜୟ ପାଇଁ ଟିମ୍କୁ ଶୁଭେଚ୍ଛା ଜଣାଇଛନ୍ତି । ଗତକାଲିର ହାଇଭୋଲଟେଜ୍ ମ୍ୟାଚ୍ ଉପରେ ରହିଥିଲା ସମସ୍ତଙ୍କ ନଜର । ଭାରତ ପାକିସ୍ତାନ ମ୍ୟାଚ୍ ଦେଖିବାକୁ ମାଂଚେଷ୍ଟରରେ ବେଶ୍ ଭିଡ ମଧ୍ୟ ଜମିଥିଲା । ଏହାରି ଭିତରେ ବର୍ଷା ବାଧାପ୍ରାପ୍ତ ମ୍ୟାଚ୍ ସତ୍ୱେ ୮୯ ରନରେ ବିଜୟ ଲାଭ କରିଛି ଟିମ୍ ଇଣ୍ଡିଆ ।