ଦିଲ୍ଲୀରେ ମାଓ ପ୍ରଭାବିତ ରାଜ୍ୟର ବୈଠକ : ଓଡିଶା ସମେତ ୧୦ ରାଜ୍ୟକୁ ନେଇ ତିଆରି ହେବ ମାଓ ଦମନ ରଣନୀତି
ସିଆରପିଏଫ ନିୟୋଜନ ବକେୟା ଟଙ୍କା ଛାଡ ପାଇଁ ମୁଖ୍ୟମନ୍ତ୍ରୀ କରିପାରନ୍ତି ଦାବି
କନକ ବ୍ୟୁରୋ : ଦିଲ୍ଲୀରେ ଆରମ୍ଭ ହୋଇଛି ମାଓ ପ୍ରଭାବିତ ରାଜ୍ୟର ବୈଠକ । କେନ୍ଦ୍ର ଗୃହମନ୍ତ୍ରୀ ଅମିତ୍ ଶାହଙ୍କ ଅଧ୍ୟକ୍ଷତାରେ ଏହି ବୈଠକ ବସିଛି । ବୈଠକରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଉପସ୍ଥିତ ଅଛନ୍ତି । ୧୦ ମାଓ ପ୍ରଭାବତି ରାଜ୍ୟର ମାଓ ଦମନ ରଣନୀତକୁ ନେଇ ବୈଠକ ଚାଲିଛି । ଦୁର୍ଗମ ଅଂଚଳର ରାସ୍ତା, ରେଳପଥ, ଟାୱାର ନିର୍ମାଣ ପ୍ରସଙ୍ଗ ଏହି ବୈଠକରେ ଫୋକସରେ ରହିବ । ତେବେ ମାଓ ମୁକାବିଲା ନେଇ ଓଡ଼ିଶାର ଫୋକସ କ’ଣ ରହିବ । କେଉଁ କ୍ଷେତ୍ରକୁ ଅଧିକ ଗୁରୁତ୍ୱ ଦିଆଯିବ ? ମାଓ ମୁକାବିଲା ପାଇଁ ମୁଖ୍ୟମନ୍ତ୍ରୀଙ୍କ ଦାବି କ’ଣ ରହିବ ? ଏହା ଉପରେ ସମସ୍ତଙ୍କର ନଜର ରହିଛି ।
Kanak News is now on WhatsApp
Join and get latest news updates delivered to you via WhatsApp
ସୂଚନା ଅନୁସାରେ ଏହି ବୈଠକରେ ଓଡ଼ିଶା ସୀମାବର୍ତ୍ତୀ ରାଜ୍ୟକୁ ଲାଗି ରହିଥିବା ନବରଙ୍ଗପୁର, ମାଲକାନଗିରି, କୋରାପୁଟ ଏବଂ ରାୟଗଡ଼ାରେ ଥିବା ଦୁର୍ଗମ ମାଓ ଉପଦ୍ରୁତ ଅଂଚଳରେ ଯୋଗାଯୋଗ ଉପରେ ଫୋକସ ଦିଆଯିବ । ଏହି ଅଂଚଳର ରାସ୍ତା ନିର୍ମାଣ ସହ ଅଧିକରୁ ଅଧିକ ମୋବାଇଲ ଟାୱାର ସ୍ଥାପନା ପାଇଁ ମୁଖ୍ୟମନ୍ତ୍ରୀ ଦାବି ରଖିପାରନ୍ତି । ମାଲକାନଗିରି, ନବରଙ୍ଗପୁର ରେଳପଥ ନିର୍ମାଣ ପାଇଁ ମଧ୍ୟ ଦାବି ଉଠିପାରେ । ଗୁରୁପ୍ରିୟା ସେତୁ ନିର୍ମାଣ ପରେ ସେହି ଅଂଚଳରେ ମାଓ ହିଂସା କମିଛି, ଏହାକୁ ପ୍ରମାଣ ଭାବେ ଓଡ଼ିଶା ରଖିପାରେ । ଏହା ସହ ମାଓ ପ୍ରବଣ ଅଂଚଳରେ ପର୍ଯ୍ୟାପ୍ତ ପରିମାଣରେ ବ୍ୟାଙ୍କ ସୁବିଧା ଯୋଗାଇ ଦେବାକୁ ମଧ୍ୟ ରାଜ୍ୟର ପ୍ରମୁଖ ଦାବି ରହିବ ବୋଲି ସୂଚନା ରହିଛି ।