ଶ୍ରୀକ୍ଷେତ୍ରରେ ଶାହା । ପୁରୀ ବିଜେପି ଲୋକସଭା ପ୍ରାର୍ଥୀ ସମ୍ବିତ ପାତ୍ରଙ୍କ ପାଇଁ ବିଶାଳ ରାଲିରେ କଲେ ଶକ୍ତି ପ୍ରଦର୍ଶନ ।
କନକ ବ୍ୟୁରୋ: ପୁଣି ଓଡ଼ିଶା ଗସ୍ତରେ ଆସିଛନ୍ତି ବିଜେପି ରାଷ୍ଟ୍ରୀୟ ଅଧକ୍ଷ୍ୟକ୍ଷ ଅମିତ ଶାହା । ପୁରୀ ଲୋକସଭା ପ୍ରାର୍ଥୀ ସମ୍ବିତ ପାତ୍ରଙ୍କ ଷ୍ଟାରପ୍ରଚାରକ ଭାବେ ପୁରୀରେ ପହଁଚିଲେ ଅଧ୍ୟକ୍ଷ ଅମିତ ଶାହା । ପୁରୀରେ ପହଂଚିବା ପରେ ଶାହା ପ୍ରଥମେ ଶ୍ରୀଜିଉଙ୍କ ଦର୍ଶନ କରିବା ସହ ଆଶିର୍ବାଦ ନେଇଥିଲେ । ଏହାପରେ ଏକ ବିଶାଳ ରୋଡ଼ ସୋ’ କରି କରି ଜଗନ୍ନାଥ ଧାମରେ ଶକ୍ତି ପ୍ରଦର୍ଶନ କରିଛି ବିଜେପି ।
Kanak News is now on WhatsApp
Join and get latest news updates delivered to you via WhatsApp
ସେପଟେ ଏହି ରାଲିରେ ପୁରୀର ବିଜେପି ସମର୍ଥକମାନଙ୍କ ସହ ଏକ ଖୋଲା ଗାଡ଼ିରେ ପୁରୀ ଲୋକସଭା ପ୍ରାର୍ଥୀ ସମ୍ବିତ ପାତ୍ର, କେନ୍ଦ୍ରାପଡ଼ା ଲୋକସଭା ପ୍ରାର୍ଥୀ ବୈଜୟନ୍ତ ପଣ୍ଡା ଏବଂ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ମଧ୍ୟ ସାମିଲ ହୋଇଛନ୍ତି । ବିଜେପି ଷ୍ଟାର ପ୍ରଚାରକ ତାଲିକାରେ ଥିବା ରାଷ୍ଟ୍ରୀୟ ଅଧ୍ୟକ୍ଷ ଅମିତ ଶାହା ବିଜେପ ପୁରୀ ଲୋକସଭା ପ୍ରାର୍ଥୀ ସମ୍ବିତ ପାତ୍ରଙ୍କ ପାଇଁ ଭୋଟ୍ ହାତେଇବାକୁ ପ୍ରଚାର କରିଛନ୍ତି ।
ଆସନ୍ତା ୨୩ ତାରିଖରେ ରାଜ୍ୟରେ ହେବାକୁଥିବା ତୃତୀୟ ପର୍ଯ୍ୟାୟ ନିର୍ବାଚନରେ ଏହି ପୁରୀ ସଂସଦୀୟ କ୍ଷେତ୍ରରେ ହେବ ମତଦାନ । ତେବେ ଶାସକ ବିଜେଡିର ଗଡ଼ କୁହାଯାଉଥିବା ପୁରୀକୁ ଦଖଲ କରିବା ପାଇଁ ରାଷ୍ଟ୍ରୀୟ ମୁଖପାତ୍ର ସମ୍ବିତ ପାତ୍ରଙ୍କୁ ମଙ୍ଗ ଧରାଇ ହେଭିୱେଟମାନେ ପ୍ରଚାର କରୁଛନ୍ତି । ତେବେ ଦେଖିବାର କଥା ଯେ ପ୍ରକୃତରେ ପୁରୀରେ ଏହାର କେତେ ପ୍ରଭାବ ପଡୁଛି ।