ଚୀନକୁ ଚେତାବନୀ ଦେଲେ ଟ୍ରମ୍ପ । କହିଲେ, ଆଗାମୀ ନିର୍ବାଚନରେ ମୁଁ ହିଁ ବିଜୟୀ ହେବି, ବର୍ତମାନ ସମୟରେ ଆମ ସାଙ୍ଗରେ କର ଆଲୋଚନା
ଆମେରିକା ଓ ଚୀନ ମଧ୍ୟରେ ଏବେ ବାଣିଜ୍ୟ ଯୁଦ୍ଧ ଦେଖିବାକୁ ମିଳିଛି
କନକ ବ୍ୟୁରୋ : ଆମେରିକା ଓ ଚୀନ ମଧ୍ୟରେ ଏବେ ବାଣିଜ୍ୟ ଯୁଦ୍ଧ ଦେଖିବାକୁ ମିଳିଛି । ତେବେ ଏଥି ପାଇଁ ୨ ଦେଶର ବାଣିଜିକ କ୍ଷତି ହେଉଛି । ତେଣୁ ଏହାର ସମାଧାନ ପାଇଁ ୨ ଦେଶ ମଧ୍ୟରେ ଗତ କିଛିଦିନ ହେବ କଥାବାର୍ତା ମଧ୍ୟ ହୋଇଥିବା ଜଣାପଡିଛି । ଏହି ଆଲୋଚନା ଆଗାମୀ ଦିନରେ ବେଜିଂରେ ହେବ ବୋଲି ଚୀନର ଜଣେ ଅଧିକାରୀ ସୂଚନା ଦେଇଛନ୍ତି । ହେଲେ ଏହାର କୌଣସି ନିର୍ଦ୍ଧିଷ୍ଟ ତାରିଖ ଧାର୍ଯ୍ୟ ହୋଇନଥିବା ଅଧିକାରୀ ଜଣକ କହିଛନ୍ତି । ଜାତୀୟ ଗଣମାଧ୍ୟମରୁ ମିଳିଥିବା ସୂଚନା ଅନୁସାରେ, ଚୀନ ସ୍ପଷ୍ଟ ଭାବରେ କହିଛି ଯେ, କୌଣସି ପରିସ୍ଥିତିରେ ବି ଚୀନ ନିଜ ସ୍ୱାର୍ଥରୁ ଓହରିବ ନାହିଁ ।
Kanak News is now on WhatsApp
Join and get latest news updates delivered to you via WhatsApp
I think that China felt they were being beaten so badly in the recent negotiation that they may as well wait around for the next election, 2020, to see if they could get lucky & have a Democrat win – in which case they would continue to rip-off the USA for $500 Billion a year….
— Donald J. Trump (@realDonaldTrump) May 11, 2019
ସେପଟେ ଆମେରିକା ମଧ୍ୟ ନିଜ ଜିଦରେ ଅଟଳ ରହିଛି । ରାଷ୍ଟପତି ଡୋନାଲ୍ଡ ଟ୍ରମ୍ପ କହିଛନ୍ତି ଯେ, ନିଜର ହିତ ପାଇଁ ଆମେରିକା ସହ ଚୀନ ବୁଝାମଣା କରିବାର ଆବଶ୍ୟକତା ରହିଛି । ଯଦି ଆମେରିକା ସହ ବର୍ତମାନ ସମୟରେ ଚୀନ ଆଲୋଚନା ନକରେ ତେବେ ମୋର ପରବର୍ତୀ କାର୍ଯ୍ୟକାଳ ସମୟରେ ସ୍ଥିତି ସଙ୍ଗୀନ ହୋଇସାରିଥିବା ବୋଲି ଡେନାଲ୍ଡ ଟ୍ରମ୍ପ କହିଛନ୍ତି । ସେ ଆହୁରି ମଧ୍ୟ କହିଛନ୍ତି ଯେ, ୨୦୨୦ ମସିହାରେ ହେବାକୁ ଥିବା ନିର୍ବାଚନରେ ଯଦି ଡେମୋକ୍ରାଟିକ କେହି ରାଷ୍ଟ୍ରପତି ହୁଅନ୍ତି ତେବେ ପ୍ରତିବର୍ଷ ୫୦୦ ଆମେରିକା ଡଲାର ଚୂନା ଲଗାଇବା ପାଇଁ ମୌକା ମିଳିବ ।
ଏହାସହ ଟ୍ରମ୍ପ ସ୍ପଷ୍ଟ ଭାବରେ କହିଛନ୍ତି ଯେ, ମୋର ଦ୍ୱିତୀୟ କାର୍ଯ୍ୟକାଳ ସମୟରେ ବର୍ତମାନ ସମୟରେ ଚାଲିଥିବା କଥା ଅତି ଜଟିଳ ହୋଇପାରେ । ତେଣୁ ବର୍ତମାନ ଉଚିତ ସମୟ, ଚୀନ ଆଲୋଚନା କରିବା ଦରକାର ବୋଲି ଟ୍ରମ୍ପ କହିଛନ୍ତି । ତେବେ ଦୁଇ ଦେଶ ମଧ୍ୟରେ ଚାଲିଥିବା ଏହି ବାଣିଜିକ ଯୁଦ୍ଧର ଅନ୍ତ କେବେ ହେବ ତାହାକୁ ନେଇ ବେଶ ଚର୍ଚ୍ଚା ଉଭୟ ଦେଶରେ ଚାଲିଥିବା ଜଣାପଡିଛି ।