କନକ ବ୍ୟୁରୋ : ସବୁବେଳେ କିଛି ନା କିଛି ବଦମାସ କାମ କରି ଚର୍ଚ୍ଚାରେ ରହିଛି ଚୀନ । ଏବେ ଚୀନ ଟାର୍ଗେଟରେ ଭାରତ ସମେତ ବିଶ୍ୱର ଅନେକ ଶକ୍ତିଶାଳୀ ଦେଶ ରହିଛି । ଏହି କ୍ରମରେ ଚୀନ କେତେବେଳ କାହା ସୀମାରେ ପଶିବାକୁ ଚେଷ୍ଟା କରୁଛି ତ କେତେବେଳ ଯୁଦ୍ଧର ଧମକ ଦେଇ ଦେଶ ଦେଶ ମଧ୍ୟରେ ଅଶାନ୍ତି ସୃଷ୍ଟି କରିବାକୁ ଚେଷ୍ଟା କରୁଛି । ହେଲେ ଏହାରି ମଧ୍ୟରେ ଚୀନର ଆଉଏକ ଷଡଯନ୍ତ୍ରକୁ ଧରିଛି ଆମେରିକା ।
Kanak News is now on WhatsApp
Join and get latest news updates delivered to you via WhatsApp
ବିଶେଷ କରି ସାରା ବିଶ୍ୱରେ ଯଦି ଶସ୍ତା ବା କମ୍ ଦାମରେ କିଛି ଜିନିଷ ମିଳେ ତାହା ନିଶ୍ଚିତ ଭାବେ ଚାଇନା ଦ୍ୱାରା ପ୍ରସ୍ତୁତ ହୋଇଥାଏ । ଏହି କ୍ରମରେ ଚାଇନାର ଖେଳନା ସାରା ବିଶ୍ୱର ପିଲାମାନଙ୍କ ବେସ୍ ପଶନ୍ଦ । ଅନ୍ୟ ଦେଶର ଛୋଟ ପିଲାମାନଙ୍କର ଏହି ଦୁର୍ବଳତାକୁ ଏବେ ଚୀନ ହତିଆର ଭାବେ ବ୍ୟବହାର କରୁଥିବା ଆମେରିକା ଦାବି କରିଛି । ଚୀନ ବାହାର ଦେଶକୁ ପଠାଉଥିବା ଖେଳନାରେ ବିଷାକ୍ତ କେମିକାଲର ପ୍ରଲେପ ଦେଉଥିବା କଥା ଦାବି କରିଛି ଚୀନ । ଏହି କେମିକାଲକୁ ଛୁଇଁବା ଓ ଏହାର ଗନ୍ଧ ପିଲାମାନଙ୍କ ଶରୀରକୁ ପ୍ରବେଶ କଲେ ଏହା ପିଲାମାନଙ୍କ ଶାରିରୀକ ଓ ମାନସିକ ବିକାଶରେ ବାଧା ସୃଷ୍ଟି କରିବ ବୋଲି ଆମେରିକା ଦାବି କରିଛି । ଏନେଇ ଶୁକ୍ରବାର ଦିନ ଆମେରିକା ପକ୍ଷରୁ ଚୀନରୁ ଆସୁଥିବା କିଛି ଖେଳନା ଗାଡିକୁ ଜବତ କରିଛି । କୁହାଯାଉଛି କି ଜବତ ହୋଇଥିବା ଖେଳନା ଭାରତରେ ସର୍ବାଧିକ ବିକ୍ରି ହୋଇଥାଏ ।
ଆମେରିକା ତରଫରୁ ଜବତ ହୋଇଥିବା ଚୀନର ଖେଳନାଗୁଡିକରେ ସୀସା, କେଡମିୟମ, ବୋରିୟମ ଭଳି ରାଶାୟନିକ ପଦାର୍ଥ ଆବଶ୍ୟକତା ଠାରୁ ଅଧିକ ବ୍ୟବହାର ହୋଇଥିବା କଥା କୁହାଯାଇଛି । ଜୁଲାଇ ୧୬ ତାରିଖରେ ଏହି ଖେଳନାକୁ ନେଇ ଆମେରିକା ତରଫରୁ ପ୍ରାରମ୍ଭିକ ଯାଂଚ ଆରମ୍ଭ ହୋଇଥିଲା । ଏହାପରେ ଏହି ଖେଳନାଗୁଡିକୁ ପରୀକ୍ଷାଗାରାକୁ ପଠାଇ ଦିଆଯାଇଥିଲା । ଏଥିରୁ ସ୍ପଷ୍ଟ ହୋଇଥିଲା କି ଖେଳନାରେ ଆବଶ୍ୟକତା ଠାରୁ ଅଧିକ ରାଶାୟନିକ ପଦାର୍ଥ ବ୍ୟବହାର କରାଯାଇଛି ।
ଆମେରିକା ଚୀନରୁ ଆସିଥିବା ଖେଳନାର ୭ ଟି ବାକ୍ସ ଜବତ କରିଛି । ଏଥିରେ ମୋଟ ୨୯୫ ପ୍ୟାକେଟ ଖେଳନା ରହିଥିବା କଥା କୁହାଯାଇଛି । ଏହି ଖେଳନା ଗୁଡିକ ଭାରତୀୟ ପିଲାଙ୍କର ବେସ ପ୍ରିୟ ହୋଇଥିବା ବେଳେ ଏନେଇ ଆମେରିକା ପକ୍ଷରୁ ଭାରତକୁ ସତର୍କ କରାଯାଇଛି ।