କନକ ବ୍ୟୁରୋ: ଚାରି ବର୍ଷ ପରେ ପ୍ରଥମ ଥର ପାଇଁ ଆମେରିକା ନିଜ ପାଖରେ ଥିବା ପରମାଣୁ ଅସ୍ତ୍ରର ସୂଚନା ଦେଇଛି । ଆଉ ଆମେରିକା ପାଖରେ ଏବେ ପରମାଣୁ ଅସ୍ତ୍ର କମିଆସୁଥିବାର ସୂଚନା ଦିଆଯାଇଛି । ଟ୍ରମ୍ପଙ୍କ ପରେ ବାଇଡେନ ସରକାର ଆମେରିକା ପରମାଣୁ ଅସ୍ତ୍ରକୁ ସାର୍ବଜନୀନ କରିଛନ୍ତି । ଟ୍ରମ୍ପ ସରକାର ସମୟରେ ପରମାଣୁ ଅସ୍ତ୍ର ବିଷୟରେ ସୂଚନା ଦିଆଯିବା ନେଇ ରୋକ ଲଗାଯାଇଥିଲା ।
Kanak News is now on WhatsApp
Join and get latest news updates delivered to you via WhatsApp
ଆମେରିକା ବୈଦେଶିକ ବିଭାଗ ପକ୍ଷରୁ କୁହାଯାଇଛି କି, ୩୦ ସେପ୍ଟେମ୍ବର ୨୦୨୦ ଯାଏଁ ଆମେରିକା ସେନା ପାଖରେ ୩,୭୫୦ ସକ୍ରିୟ ଓ ନିଷ୍କ୍ରିୟ ପରମାଣୁ ଅସ୍ତ୍ର ରହିଥିଲା । ଏହି ସଂଖ୍ୟା ୨୦୧୯ ତୁଳନାରେ ୫୫ ଓ ୨୦୧୭ ତୁଳନାରେ ୭୭ଟି ଅସ୍ତ୍ର କମ ହୋଇଛି । ଏହି ସଂଖ୍ୟାରୁ ଜଣାପଡୁଛି କି ୧୯୬୭ ମସିହାରେ ଋଷ ସହ ହୋଇଥିବା ଶୀତଳ ଯୁଦ୍ଧ ପରେ ପରମାଣୁ ଅସ୍ତ୍ର କମିବାରେ ଲାଗିଛି । ଏହି ସମୟରେ ଆମେରିକା ପାଖରେ ୩୧, ୨୫୫ ପରମାଣୁ ଅସ୍ତ୍ର ରହିଥିଲା ।
ଆମେରିକା ସରକାର ପୁଣି ଋଷ ସହ ଅସ୍ତ୍ର ଉପରେ ନିୟନ୍ତ୍ରଣକୁ ନେଇ ଆଲୋଚନା କରିବାକୁ ଚାହୁଁଛନ୍ତି । ସେଥିପାଇଁ ଆମେରିକା ବୈଦେଶିକ ବିଭାଗ ଏହି ରିପୋର୍ଟକୁ ଏବେ ସାର୍ବଜନୀନ କରିଛି । ଟ୍ରମ୍ପଙ୍କ ସମୟରେ ଏହା ଉପରେ ରୋକ ଲଗାଯାଇଥିଲା ।