ନିରାଶ ଭିତରେ ଆଶାର ଆଲୋକ: କରୋନା ଟିକା ବାହାରିଥିବା ନେଇ ଆମେରିକାର ଦାବି; ଟ୍ରମ୍ପ କହିଲେ ବଜାରକୁ ଟିକା ଆସିବା ପୂର୍ବରୁ କେବଳ ନିରାପତା ପ୍ରମାଣକୁ ଅପେକ୍ଷା
କନକ ବ୍ୟୁରୋ: ବିଶ୍ୱରେ କରୋନା ମୃତ୍ୟୁ ସଂଖ୍ୟା ୪ ଲକ୍ଷ ଟପି ସାରିଛି । ଦୀର୍ଘ ୬ ମାସ ହେଲା ମହାମାରୀ କରୋନା ସହ ଲଢୁଛି ସାରା ବିଶ୍ୱ । ସବୁଠାରୁ ଅଧିକ ପ୍ରଭାବିତ ହୋଇଛି ବିଶ୍ୱର ଶକ୍ତିଶାଳୀ ରାଷ୍ଟ୍ର ଆମେରିକା । ଏଠାରେ କରୋନା ଜନିତ ମୃତ୍ୟୁ ସଂଖ୍ୟା ସର୍ବାଧିକ ୧ ଲକ୍ଷ ୧୨ ହଜାରରୁ ଅଧିକ ଓ ଆକ୍ରାନ୍ତଙ୍କ ସଂଖ୍ୟା ୧୯ ଲକ୍ଷ ୮୮ ହଜାର ଟପି ସାରିଲାଣି । ହେଲେ ସାରା ବିଶ୍ୱକୁ ଆଶ୍ୱସ୍ତ କଲାଭଳି ଖବର ବି ସେହି ଆମେରିକାରୁ ଆସିଛି ।
Kanak News is now on WhatsApp
Join and get latest news updates delivered to you via WhatsApp
କାରଣ ହ୍ୱାଇଟହାଉସରୁ ସାମ୍ବାଦିକ ସମ୍ମିଳନୀ କରି ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ କହିଛନ୍ତି ଆମେରିକାରେ ୨୦ ଲକ୍ଷ କରୋନା ଟିକା ପ୍ରସ୍ତୁତ ହୋଇସାରିଛି । ଏଗୁଡିକ ବଜାରକୁ ଆସିବା ପୂର୍ବରୁ କେବଳ ନିରାପତା ପ୍ରମାଣ ଅପେକ୍ଷାରେ ରହିଛି । କରୋନାର ମୁକାବିଲା ପାଇଁ କୌଣସି ସମ୍ଭାବ୍ୟ ଟିକା ବାହାର କରିବାକୁ ଟ୍ରମ୍ପ ପ୍ରଶାସନ ଔଷଧ କମ୍ପାନିଗୁଡିକୁ ଦାୟିତ୍ୱ ଦେଇଛି । ତେବେ ଏହା ଭିତରୁ ୪ଟି କମ୍ପାନି ଟିକା ବିକାଶ ଦିଗରେ ଯଥେଷ୍ଟ ଅଗ୍ରଗତି କରିଥିବା ଟ୍ରମ୍ପ ସୂଚନା ଦେଇଛନ୍ତି । ହେଲେ ଏମାନଙ୍କ ଭିତରୁ କିଏ ଟିକା ପ୍ରସ୍ତୁତ କରିସାରିଛି, ସେନେଇ କିଛି କହିନାହାନ୍ତି ଆମେରିକା ରାଷ୍ଟ୍ରପତି ।