ଆମାଜନ୍ ସହିତ ବ୍ୟବସାୟ କରିବାର ସୁବର୍ଣ୍ଣ ସୁଯୋଗ : ଷ୍ଟାର୍ଟଅପ ପାଇଁ କମ୍ପାନୀ ଦେବ ଆର୍ଥିକ ସହାୟତା !
ଦୁନିଆର ସବୁଠାରୁ ବଡ ଇ-କମର୍ସ କମ୍ପାନୀ ଆମାଜନ୍ ନିଜ କର୍ମଚାରୀଙ୍କୁ ଚାକିରୀ ଛାଡି ବ୍ୟବସାୟ କରିବାକୁ ପ୍ରସ୍ତାବ ଦେଉଛି । ପ୍ରକୃତରେ ଗ୍ରାହକଙ୍କୁ ଶୀଘ୍ର ସାମଗ୍ରୀ ପହଂଚାଇବା ଚେଷ୍ଟା ଅଧିନରେ ଆମାଜନ୍ ନିଜ କର୍ମଚାରୀଙ୍କୁ ଏହି ପ୍ରସ୍ତାବ ଦେଇଛି । କମ୍ପାନୀ ତରଫରୁ କର୍ମଚାରୀଙ୍କୁ କୁହାଯାଇଛି କି, “ନିଜ ଚାକିରୀ ଛାଡ ଓ ଆମାଜନ୍ ପ୍ୟାକେଜ୍ ଡେଲିଭରି କରିବା ବ୍ୟବସାୟ ଆରମ୍ଭ କର । ଏହି କାମରେ କମ୍ପାନୀ ସହାୟତା କରିବ ।”
Kanak News is now on WhatsApp
Join and get latest news updates delivered to you via WhatsApp
ଆମାଜନ୍, ପ୍ରାଇମ୍ ମେମ୍ବର୍ସର ଡେଲିଭରି ସମୟ ଦୁଇ ଦିନରୁ କମାଇ ଗୋଟିଏ ଦିନ କରିବାର ପ୍ରୟାସ କରୁଛି । ଏହା ଦ୍ୱାରା ଗ୍ରାହକଙ୍କ ପାଖକୁ ଅତିଶୀଘ୍ର ଜିନିଷ ପହଂଚାଇବାରେ ସଫଳତା ମିଳିବ । ଏହି ଅଫରର ଘୋଷଣା କରି ଆମଜନ୍ ତରଫରୁ କୁହାଯାଇଛି କି, ଯେଉଁ କର୍ମଚାରୀ ମଧ୍ୟ ଚାକିରୀ ଛାଡି ଡେଲିଭରି ବ୍ୟବସାୟ ଆରମ୍ଭ କରିବ, ତାଙ୍କ ଷ୍ଟାର୍ଟଅପକୁ କମ୍ପାନୀ ତରଫରୁ ପାଖାପାଖି ୭ଲକ୍ଷ ଟଙ୍କା ସହାୟତା ମିଳିବ ।
ଏହି ଅଫର ପାର୍ଟ ଟାଇମ୍ ଓ ଫୁଲ ଟାଇମ୍ ଆମାଜନ୍ କର୍ମଚାରୀଙ୍କ ପାଇଁ । ଏହି କର୍ମଚାରୀଙ୍କୁ ୩ ମାସର ଦରମା ମଧ୍ୟ ଦିଆଯିବ । ଏଥିରେ ୱେର ହାଉସ୍ କର୍ମଚାରୀ ମଧ୍ୟ ଅଛନ୍ତି, ଯେଉଁମାନେ ଅର୍ଡର ପ୍ୟାକ୍ କରନ୍ତି ଓ ଅର୍ଡର ପଠାନ୍ତି । ଆମାଜନ୍ ସାମଗ୍ରୀର ଡେଲିଭରି କରିବା ପାଇଁ ୟୁପିଏସ, ପୋଷ୍ଟ ଅଫିସ କିମ୍ବା ଅନ୍ୟ ମାଲବାହକଙ୍କ ଉପରେ କମ୍ ନିର୍ଭରଶୀଳ ହେବା ପାଇଁ ଚାହେଁ । ସେଥିପାଇଁ କମ୍ପାନୀ କର୍ମଚାରୀଙ୍କୁ ଡେଲିଭରି ବିଜନେସ୍ କରିବା ଅଫର ଦେଇଛି ।