ଟିକା ବଣ୍ଟନରେ ଭାରତକୁ ମିଳିବ ପ୍ରାଥମିକତା: କୋଭିଡ୍ ଟିକା ପ୍ରସ୍ତୁତିର ତଦାରଖ ନେଇ ମୋଦିଙ୍କ ଅନୁଧ୍ୟାନ ପରେ ପ୍ରତିକ୍ରିୟା ରଖିଲେ ସିରମ ଇନଷ୍ଟିଚ୍ୟୁଟ୍ ମୁଖ୍ୟ
ପୁନାୱାଲା କହିଲେ, ୨ ସପ୍ତାହରେ ଜରୁରୀକାଳିନ ଅନୁମତି ପାଇଁ ହେବ ଆବେଦନ
କନକ ବ୍ୟୁରୋ: ଆସନ୍ତା ୨ ସପ୍ତାହ ମଧ୍ୟରେ ଜରୁରିକାଳୀନ ବ୍ୟବହାର ପାଇଁ ଅନୁମତି ଡ୍ରଗ୍ସ କଂଟ୍ରୋଲର ଅଫ୍ ଇଣ୍ଡିଆ ନିକଟରେ ଆବେଦନ କରିବ ସେରମ୍ ଇନଷ୍ଟିଚ୍ୟୁଟ ଅଫ ଇଣ୍ଡିଆ । ପ୍ରଧାନମନ୍ତ୍ରୀ ଟିକା ପ୍ରସ୍ତୁତିର ସମୀକ୍ଷା କରିବା ପରେ ଏହି ପ୍ରତିକ୍ରିୟା ରଖିଛନ୍ତି ସେରମ୍ ଇନଷ୍ଟିଚ୍ୟୁଟର ମୁଖ୍ୟ କାର୍ଯ୍ୟନିର୍ବାହୀ ଅଧିକାରୀ ଅଦାର ପୁନାୱାଲା । ତେବେ କେନ୍ଦ୍ର ସରକାରଙ୍କୁ ଟିକା ଯୋଗାଣ ନେଇ ତାଙ୍କ କମ୍ପାନୀ କୌଣସି ଚିଠି ଲେଖି ନାହିଁ । ସାଧାରଣରେ କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରାଳୟର ମିଳୁଥିବା ତଥ୍ୟ ଅନୁସାରେ ଭାରତକୁ ଜୁଲାଇ ୨୦୨୧ ସୁଦ୍ଧା ୩୦ କୋଟିରୁ ୪୦ କୋଟି ମାତ୍ରାର ଟିକା ଆବଶ୍ୟକ ।
Kanak News is now on WhatsApp
Join and get latest news updates delivered to you via WhatsApp
ତେବେ ଏହି ସମୟରେ ସେରମ୍ ଇନଷ୍ଟିଚ୍ୟୁଟ ପ୍ରାୟ ୧୦ କୋଟି ମାତ୍ରାର ଟିକା ପ୍ରସ୍ତୁତ କରିସାରିଥିବ ବୋଲି ସୂଚନା ଦେଇଛନ୍ତି ପୁନାୱାଲା । ଅନ୍ୟପଟେ ଏହି ଟିକା ବିତରଣ ପାଇଁ ତାଙ୍କ କଂପାନୀ ପାଇଁ ଭାରତକୁ ପ୍ରାଥମିକତା ଦିଆଯିବ । ୟୁରୋପୀୟ ରାଷ୍ଟ୍ରରେ ବିତରଣ ଦାୟିତ୍ୱ ଅକ୍ସଫୋର୍ଡ ଓ ଆଷ୍ଟ୍ରାଜେନେକା ନେବେ ବୋଲି ସେ ସୂଚନା ଦେଇଛନ୍ତି । ଆବଶ୍ୟକ ହେଲେ ସେମାନଙ୍କ ପାଇଁ ମଧ୍ୟ ଭାରତରେ ଟିକା ପ୍ରସ୍ତୁତ କରାଯାଇପାରିବ ବୋଲି ଗଣମାଧ୍ୟମ ପ୍ରତିନିଧିଙ୍କ ସହ ଆଲୋଚନା ବେଳେ ପୁନାୱାଲା ସୂଚନା ଦେଇଛନ୍ତି ।
ପୁଣେ ଓ ମନ୍ଦ୍ରୀ ଠାରେ ଥିବା ଅତ୍ୟାଧୁନିକ ଲାବ୍କୁ ପ୍ରଧାନମନ୍ତ୍ରୀ ବୁଲି ଦେଖିଥିବା ସେ କହିଛନ୍ତି । କୌଣସି ସର୍ଟକଟ୍ ବାଟ ଅପେକ୍ଷା ନିର୍ଧାରିତ ବାଟରେ ହିଁ ଟିକା ପ୍ରସ୍ତୁତି ହେବ ବୋଲି ସେରମ୍ ଇନଷ୍ଟିଚ୍ୟୁଟ ମୁଖ୍ୟ ଅଦାର ପୁନାୱାଲା ସୂଚନା ଦେଇଛନ୍ତି । ଅହମଦାବାଦ, ହାଇଦ୍ରାବାଦ ଓ ପୁଣେ ଯାଇ କେଭିଡ ଟିକା ପରୀକ୍ଷଣର ସମୀକ୍ଷା କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ।