କନକ ବ୍ୟୁରୋ : ଲୋକାର୍ପିତ ହେଲା ଆମ ଘର ଆମ ହାଣ୍ଡିଶାଳ ସିଜିନ୍-୦୨ । ଏହା ଦ୍ୱାରା ବିଶ୍ୱ ଦେଖିବ ଓଡ଼ିଆ ଖାଦ୍ୟର ମହକ । ଓଡ଼ିଶା ପର୍ଯ୍ୟଟନ ବିଭାଗ ସହଯୋଗରେ ଓଟିଡ଼ିସି ପକ୍ଷରୁ ପାରମ୍ପରିକ ଶୁଦ୍ଧ ଓଡ଼ିଆ ଖାଦ୍ୟର ପ୍ରତିଯୋଗୀତା ଆମ ଘର ଆମ ହାଣ୍ଡିଶାଳର ଦ୍ୱିତୀୟ ସଂସ୍କରଣକୁ ଆଜି ଓଟିଡ଼ିସି ଅଧ୍ୟକ୍ଷା ଶ୍ରୀମୟୀ ମିଶ୍ର ଲୋକାର୍ପଣ କରିଛନ୍ତି । ଗତବର୍ଷ କରୋନା ମହାମାରୀ କଟକଣା ଭିତରେ ଆମ ଘର ହାଣ୍ଡିଶାଳର ପ୍ରଥମ ସଂସ୍କରଣ ରାଜ୍ୟବାସୀଙ୍କ ଦ୍ୱାରା ବହୁଳ ଭାବରେ ଆଦୃତ ହେବା ପରେ ଚଳିତ ବର୍ଷ ଏହାର ଦିତୀୟ ସଂସ୍କରଣ ଆରମ୍ଭ ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ତେବେ ଏହାର ଲୋକାର୍ପଣ କରି ଓଟିଡ଼ିସି ଅଧ୍ୟକ୍ଷା ଶ୍ରୀମୟୀ ମିଶ୍ର କହିଛନ୍ତି ଆମ ଓଡ଼ିଆଙ୍କ ଠାକୁର ମହାପ୍ରଭୁ ଶ୍ରୀ ଜଗନ୍ନାଥଙ୍କ ହାଣ୍ଡିଶାଳ ଆନନ୍ଦ ବଜାର ହେଉଛି ବିଶ୍ୱର ସବୁଠାରୁ ବଡ଼ ହାଣ୍ଡିଶାଳ । ଆମର ମହାନ ଉତ୍କଳୀୟ ସଂସ୍କୃତିରେ ୧୨ ମାସର ୧୩ ପର୍ବ ଓ ପ୍ରତ୍ୟେକ ପର୍ବପର୍ବାଣୀରେ ସ୍ୱତନ୍ତ୍ର ଖାଦ୍ୟର ସମ୍ଭାର ରହିଛି । ଏହି ପାରମ୍ପରିକ ଖାଦ୍ୟକୁ ବିଶ୍ୱ ଦରବାରରେ ପହଂଚାଇବା ଲକ୍ଷ୍ୟରେ ଗତବର୍ଷ ଆମ ଘର ହାଣ୍ଡିଶାଳ ପ୍ରତିଯୋଗୀତାର ପରିକଳ୍ପନା କରାଯାଇଥିଲା । ତେବେ ଏଥର ଏହି ପ୍ରତିଯୋଗୀତାରେ କିଛି ପରିବର୍ତନ କରାଯାଇଛି । ବିଚାରକଙ୍କ ଦ୍ୱରା ଚୟନ ହୋଇଥିବା ଶ୍ରେଷ୍ଠ ୪୦ ଜଣ ପ୍ରତିଯୋଗୀଙକୁ ଏଥର ଓଡ଼ିଶାର ବିଭିନ୍ନ ପର୍ଯ୍ୟଟନ ସ୍ଥଳୀକୁ ନେଇ ସେମାନଙ୍କ ଖାଦ୍ୟ ପ୍ରସ୍ତୁତି ଶୈଳୀର ସୁଟିଂ କରାଯିବ । ଯାହାର ସିଧାପ୍ରସାରଣ ଟିଭି ଚଆନେଲ ମାଧ୍ୟମରେ ଦର୍ଶକ ଦେଖିପାରିବେ । ନିଜର ଖାଦ୍ୟ ଭିିଡ଼ିଓ ପ୍ରସ୍ତୁତ କରି ମହିଳା ମାନେ ଅନଲାଇନରେ ଆବେଦନ କରିପାରିବେ ।