ନିର୍ବାଚନ ପୂର୍ବରୁ ନୋଟ୍ ଫର ଭୋଟ୍: ପୋଲିସ ପାଟ୍ରୋଲିଂ ଗାଡିରେ ଟଙ୍କା ବଣ୍ଟା ଯାଉଥିବା ଅଭିଯୋଗ

କନକ ବ୍ୟୁରୋ: ନିର୍ବାଚନ ପୂର୍ବରୁ ନୋଟ୍ ଫର ଭୋଟ୍ । ପୋଲିସ ପାଟ୍ରୋଲିଂ ଗାଡିରେ ବଂଟା ଯାଉଥିଲା ଟଙ୍କା । ବିଧାୟକଙ୍କ ସଂପର୍କୀୟ ଭାଇ ଟଙ୍କା ବାଂଟୁଥିବା ଅଭିଯୋଗ ହୋଇଛି । ଗତକାଲି ବିଳମ୍ବିତ ରାତିରେ ପୋଲିସ ଗାଡିରେ ଟଙ୍କା ନେଇ ପାଟଣାଗଡ଼ ପାଣ୍ଡେସରା ଗାଁରେ ପହଂଚି ଯାଇଥିଲେ ବିଧାୟକ ସରୋଜ ମେହେରଙ୍କ ସଂପର୍କୀୟ ଭାଇ ସୁଜିତ ମେହେର । ଏହି ସମୟରେ ସ୍ଥାନୀୟ ଲୋକେ ତାଙ୍କୁ କାବୁ କରି ନେଇଥିଲେ । ସୁଜିତଙ୍କୁ କିଛି ସମୟ ଟଣା ଓଟରା କରିଥିଲେ ।

ପଞ୍ଚାୟତ ନିର୍ବାଚନ ପାଇଁ ଆଜି ଚାଲିଛି ପ୍ରଥମ ପର୍ଯ୍ୟାୟ ଭୋଟ ଗ୍ରହଣ । ହେଲେ ଭୋଟର ଗୋଟିଏ ଦିନ ପୂର୍ବରୁ ଦେଖିବାକୁ ମିଳିଛି ଏଭଳି ଘଟଣା । ରାତିରେ ଭୋଟରଙ୍କୁ ଟଙ୍କା ବାଣ୍ଟୁଥିବା ଅଭିଯୋଗ ହୋଇଛି ।