ଟ୍ୟୁସନ୍ ଶିକ୍ଷକଙ୍କ ବିରୋଧରେ ଅସଦାଚାରଣ ଅଭିଯୋଗ । ନବମ ଶ୍ରେଣୀ ଛାତ୍ରୀଙ୍କୁ କୋଚିଂ ସେଂଟରକୁ ଡାକି ଶିକ୍ଷକ ଅକ୍ଷୟ ପଣ୍ଡା ଦୁଷ୍କର୍ମ କରିଥିବା ଅଭିଯୋଗ । ଅଭିଯୁକ୍ତ ଶିକ୍ଷକକୁ ଅଟକ ରଖି ପୁଲିସର ପଚରାଉଚରା
କନକ ବ୍ୟୁରୋ : ଦୁଷ୍କର୍ମର ଶିକାର ହେଲେ ନବମ ଶ୍ରେଣୀ ଛାତ୍ରୀ । ଏଭଳି ଲଜ୍ଜାଜନକ ଘଟଣା ଘଟିଛି କୋରାପୁଟ ଜିଲ୍ଲା ଜୟପୁର ସହରରେ । କୋଚିଂ ସେଂଟରକୁ ଡ଼ାକି ଟ୍ୟୁସନ ଶିକ୍ଷକ ଛାତ୍ରୀଙ୍କୁ ଦୁଷ୍କର୍ମ କରିଥିବା ଅଭିଯୋଗ ହୋଇଛି । ଜୟପୁର ସହର ସ୍ଥିତ ସାରଦା କୋଚିଂ ସେଂଟର ନାମକ ଏକ ଘରୋଇ ଅନୁଷ୍ଠାନ ଘଟିଛି ଏହି ଘଟଣା ।
Kanak News is now on WhatsApp
Join and get latest news updates delivered to you via WhatsApp
ଅନ ଲାଇନ ପରୀକ୍ଷା କରାଇ ରେଜଲ୍ଟ ଜଣାଇବା ବାହାନାରେ ଶିକ୍ଷକ ଅକ୍ଷୟ କୁମାର ପଣ୍ଡା ଦୁଷ୍କର୍ମ କରିଥିବା ଅଭିଯୋଗ କରିଛନ୍ତି ପୀଡ଼ିତାଙ୍କ ପରିବାର ଲୋକ । ଛାତ୍ରୀ ଜଣଙ୍କ ମୟୂରଭଂଜ ଜିଲ୍ଲାର ହୋଇଥିବା ବେଳେ ଜୟପୁରରେ ସମ୍ପର୍କୀୟଙ୍କ ଘରେ ରହି ପାଠ ପଢ଼ୁଥିଲେ । ଅଭିଯୋଗ ଆଧାରରେ ପୋଲିସ ଝିଅକୁ ମେଡିକାଲ ଯାଂଚ ପାଇଁ ପଠାଇଥିବା ବେଳେ ଅଭିଯୁକ୍ତ ଶିକ୍ଷକକୁ ପଚରା ଉଚରା କରୁଛି ପୋଲିସ ।
ତେବେ ଏହି ଘଟଣାର ତଦନ୍ତ ପରେ ସତ ସାମ୍ନାକୁ ଆସିବ ବୋଲି ପୁଲିସ ସୂଚନା ଦେଇଛି । ଏହି ଘଟଣାରେ ଅଭିଯୁକ୍ତଙ୍କ ବିରୋଧରେ କଡା କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି କୁହାଯାଇଛି ।