ଦୁଇ ଅଧିକାରୀଙ୍କ ନାଁରେ ଚାଉଳ ହଡପ ଅଭିଯୋଗ । ଯୋଗାଣ ସହାୟକ ଓ ପଞ୍ଚାୟତ ନିର୍ବାହୀ ଅଧିକାରୀଙ୍କୁ ବିରୋଧ କରିବା ସହ ଥାନାରେ ଏତଲା
କନକ ବ୍ୟୁରୋ: ହିତାଧିକାରୀଙ୍କ ଚାଉଳ ହଡପ୍ । ତା ପୁଣି ଦୁଇ ଅଧିକାରୀଙ୍କ ନାଁରେ ହୋଇଛି ଅଭିଯୋଗ । ଲୋକଙ୍କୁ ଭକୁଆ ବନେଇ ବିଶ୍ୱାସ ଜିତିବା ପରେ ଏହି ଚାଉଳ ହଡପ କରାଯାଇଥିବା ଅଭିଯୋଗ ଆଣିଛନ୍ତି କପ୍ତିପଦା ଜାମବଣି ପଞ୍ଚାୟତର ଲୋକେ । ଯୋଗାଣ ସହାୟକ ଓ ପଞ୍ଚାୟତ ନିର୍ବାହୀ ଅଧିକାରୀଙ୍କୁ ବିରୋଧ କରିବା ସହ ଥାନାରେ ଦେଇଛନ୍ତି ଏତଲା ।
Kanak News is now on WhatsApp
Join and get latest news updates delivered to you via WhatsApp
ହିତାଧିକାରୀ ମାନଙ୍କ ଚାଉଳ ସବୁ ଲୁଟପାଟ ଚାଲିଛି । କିଲେ କି ଦୁଇ କିଲୋ ନୁହେଁ ୩ ମାସ ଧରି ହିତାଧିକାରୀଙ୍କ ୭ ହଜାର ୩ଶହ କିଲୋ ଚାଉଳ ହରିଲୁଟ୍ ହୋଇଥିବା ଅଭିଯୋଗ । ହିତାଧିକାରୀଙ୍କ ନିକଟରୁ ଟିପ ଚିହ୍ନ ନେଇ ରସିଦ୍ ବି ଦେଉଥିଲେ । ହେଲେ ଚାଉଳ ନଦେଇ ସରିଯାଇଛି କହି ହିତାଧିକାରୀଙ୍କୁ ଫେରାଇ ଦେଉଥିଲେ । ହେଲେ ସରକାରୀ ରେକର୍ଡ କହୁଛି ହିତାଧିକାରୀ ନେଇଛନ୍ତି ଚାଉଳ । ବାସ୍ତବରେ ଚାଉଳ ହିତାଧିକାରୀଙ୍କ ବଦଳରେ ଅଧିକାରୀ ଲୁଟପାଟ କରୁଥିବା ଧରାପଡିଛି ।
ଏବେ ସମସ୍ତ ଘଟଣା ପଦାକୁ ଆସିବା ପରେ ଦୁଇ ଅଧିକାରୀ ସାମନାକୁ ଆସୁନାହାନ୍ତି । ଠକାମୀର ଶିକାର ହୋଇଥିବା ହିତାଧିକାରୀ ମାନେ ଘଟଣା ନେଇ ଥାନାରେ ଏତଲା ଦେଇଛନ୍ତି ।