ମୁଖ୍ୟମନ୍ତ୍ରୀଙ୍କ କଥାକୁ ପୋଲିସର ବେଖାତିର । ଲୋକଙ୍କୁ ଖରାପ ବ୍ୟବହାର କରିବା ଅଭିଯୋଗ ପରେ, କାଗଜ କଲମ ଧରି ଥାନାରେ ବିଧାୟକ ।
କନକ ବ୍ୟୁରୋ: ମୁଖ୍ୟମନ୍ତ୍ରୀଙ୍କ ନିର୍ଦ୍ଦେଶକୁ ଖାତିର କଲାନି ପୋଲିସ । ଲୋକଙ୍କୁ ଭଲ ବ୍ୟବହାର ଦେଖାଅ, ତାଙ୍କ ଅଭିଯୋଗକୁ ଗୁରୁତର ସହ ନେବାକୁ ମୁଖ୍ୟମନ୍ତ୍ରୀ କହିବା ପରେ ବି ସୁଧୁରୁନି ପୋଲିସ । ଥାନାକୁ ଅଭିଯୋଗ କରିବାକୁ ଆସିଲେ ପୋଲିସ ଭୟ ଦେଖାଉଛି । ଜଗତସିଂହପୁରରୁ ଏପରି ଏକ ଅଭିଯୋଗ ଆସିଛି ।
Kanak News is now on WhatsApp
Join and get latest news updates delivered to you via WhatsApp
ଥାନାରେ ପୋଲିସ ଲୋକଙ୍କ ଅଭିଯୋଗ ଗ୍ରହଣ କରୁନି। ଏପରି ଅଭିଯୋଗ ପାଇବା ପରେ ବିଧାୟକ ଅମରେନ୍ଦ୍ର ଦାସ ଥାନାକୁ ଆସିଛନ୍ତି । ଆଉ ସାଙ୍ଗରେ କାଗଜ କଲମ ଆଣି ଦେଇଛନ୍ତି। ଲୋକଙ୍କୁ ବସିବା ପାଇଁ ଜାଗା ଦେବାକୁ କହିଛନ୍ତି ବିଧାୟକ । ନଚେତ ଥାନା ପରିସରରେ କେଉଁଠି ଜାଗା ଅଛି ଦେଖାଇଲେ ବିଧାୟକ ଘର କରିଦେବେ ବୋଲି କହିଛନ୍ତି । ବଡକଥା ହେଉଛି ଲୋକଙ୍କ ସରକାରରେ ପୋଲିସର ଏପରି ବ୍ୟବହାର କେଉଁ କାରଣ ପାଇଁ ଦେଖାଉଛି । ରାଜ୍ୟର ମୁଖିଆ ଯେତେବେଳେ ଲୋକଙ୍କ ସମସ୍ୟାକୁ ଗୁରୁତର ସହ ନେଉଛନ୍ତି ସେତେବେଳେ ଜଣେ ସରକାରଙ୍କ କର୍ମଚାରୀ ହୋଇ ମୁଖ୍ୟମନ୍ତ୍ରୀଙ୍କ କଥାକୁ ଗୁରୁତର ସହନନେବା ଆଇନକୁ ଫୁ କରିବା ଭଳି ସଦୃଶ।