ଆହ୍ଲାବାଦ ହାଇକୋର୍ଟଙ୍କୁ ଗୁରୁତ୍ୱପୂର୍ଣ୍ଣ ଆଦେଶ, ଜ୍ଞାନବାପୀ ପରିସରରେ ଜାରି ରହିବ ଏଏସଆଇର ସର୍ଭେ
କନକ ବ୍ୟୁରୋ : ଜ୍ଞାନବାପୀ ପରିସରକୁ ନେଇ ଆହ୍ଲାବାଦ ହାଇକୋର୍ଟ ଗୁରୁତ୍ୱପୂର୍ଣ୍ଣ ରାୟ ଦେଇଛନ୍ତି । କୋର୍ଟ ଜୁଲାଇ ୩୧ ତାରିଖ ମଧ୍ୟରେ ସର୍ଭେ କାମ ସାରିବାକୁ ଏଏସଆଇକୁ ଆଦେଶ ଦେଇଛନ୍ତି । କୋର୍ଟ ତାଙ୍କ ଆଦେଶରେ କହିଛନ୍ତି ଜ୍ଞାନବାପୀ ପରିସରରେ ଏଏସଆଇର ସର୍ଭେ ହେବ । ଜୁଲାଇ ୩୧ ସୁଦ୍ଧା ସର୍ଭେ କାମ ସାରିବାକୁ ପଡିବ ଓ ସର୍ଭେ ବେଳେ ଜ୍ଞାନବାପୀ ମସଜିଦ କିମ୍ବା ତା ପରିସରରେ ଥିବା କୌଣସି କୋଠା ଯେଭଳି ନଷ୍ଟ ନହୁଏ ତାହା ଉପରେ ନଜର ରଖିବାକୁ କୋର୍ଟ ଏଏସଆଇକୁ ନିର୍ଦ୍ଦେଶ ଦେଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଶୁଣାଣି ବେଳେ ଏଏସଆଇର ଜଣେ ଅଧିକାରୀ ହାଇକୋର୍ଟକୁ କହିଥିଲେ କି, ଆମେ ଜୁଲାଇ ୨୪ ତାରିଖ ସକାଳ ୯ଟା ବେଳେ ସର୍ଭେ କାମ ଆରମ୍ଭ କରିଥିଲୁ ହେଲେ ଏହା ଉପରେ ରୋକ୍ ଲଗାଯାଇଥିଲା । କୋର୍ଟ ପଚାରିଥିଲେ କି ଆପଣଙ୍କୁ ସର୍ଭେ କାମ ସାରିବାକୁ କେତେ ସମୟ ଦରକାର । ଏଏସଆଇ ଅଧିକାରୀ କହିଥିଲେ କି ବାସ୍ତବରେ କେତେ ସମୟ ଲାଗିବ ତାହା କହିବା ସମ୍ଭବ ନୁହେଁ । ଏହା ପୂର୍ବରୁ ଏଏସଆଇର ସର୍ଭେ ବିରୋଧରେ ମୁସଲିମ ପକ୍ଷର ଆବେଦନ ଉପରେ ଶୁଣାଣି ହୋଇଥିଲା । ମୁସଲିମ୍ ପକ୍ଷର ଓକିଲ ସୟଦ ଫରମାନ ନକବୀ ଓ ହିନ୍ଦୁ ପକ୍ଷର ଓକିଲ ବିଷ୍ଣୁ ଶଂକରଙ୍କ ମଧ୍ୟରେ ଯୁକ୍ତି ହୋଇଥିଲା ।
ସେପଟେ ଜ୍ଞାନବାପୀ ପରିସରରେ ଏଏସଆଇ ସର୍ଭେ କରାଯିବା ମାମଲାରେ ହାଇକୋର୍ଟରେ ଏଏସଆଇର ଜଣେ ବିଶେଷଜ୍ଞ ବୟାନ ଦେବାକୁ ପହଂଚିଥିଲେ । ଏଏସଆଇର ଆଡିସିନାଲ ଡେପୁଟି ଡାଇରେକ୍ଟର ଆଲୋକ ତ୍ରିପାଠୀ କୋର୍ଟରେ ପହଂଚିଥିଲେ । ଏହି ଅଧିକାରୀଙ୍କ ଠାରୁ କୋର୍ଟ ଜାଣିବାକୁ ଚାହିଁଥିଲେ କି ସର୍ଭେ କରାଗଲେ ମସଜିଦ ଓ ଏହା ପରିସରରେ କୌଣସି କୋଠା ଓ ଐତିହ୍ୟ ନଷ୍ଟ ହେବ କି ନାହିଁ । ଏନେଇ ଆଲୋକ ତ୍ରିପାଠୀ କୋର୍ଟରେ ତାଙ୍କ ମତ ରଖିଥିଲେ । ଅନ୍ୟପଟେ ମୁସଲିମ ପକ୍ଷ ଓକିଲ ଯୁକ୍ତି ବାଢିଥିଲେ କି ଯେଭଳି ବିବାଦୀୟ ଢାଞ୍ଚାରେ ସର୍ଭେ ଆରମ୍ଭ ହୋଇଥିଲା ଏଥିରେ ଜ୍ଞାନବାପୀ ପରିସରରେ ଅନେକ କିଛି ନଷ୍ଠ ହୋଇଯିବ ।