ଗଂଜାମରେ କରୋନା ଯୋଦ୍ଧାଙ୍କର ହେବ କୋଭିଡ ପରୀକ୍ଷା: ଟ୍ୱିଟ କରି ସୂଚନା ଦେଲେ ଜିଲ୍ଲାପାଳ; କାର୍ଯ୍ୟରେ ଯୋଗଦେବା ପୂର୍ବରୁ କରୋନା ଟେଷ୍ଟ ବାଧ୍ୟତାମୂଳକ
କରୋନା ପରୀକ୍ଷା ନେଇ କାର୍ଯ୍ୟ ତୁଲାଇବେ ବିଡିଓ
କନକ ବ୍ୟୁରୋ: କରୋନା ଯୋଦ୍ଧାଙ୍କ ହେବ କୋଭିଡ଼ ପରୀକ୍ଷା । ଗଂଜାମ ଜିଲ୍ଲାପ୍ରଶାସନ ଏନେଇ ନିଷ୍ପତି ନେଇଛି । ଡ଼୍ୟୁଟିରେ ଯିବା ପୂର୍ବରୁ ସମସ୍ତଙ୍କର କୋଭିଡ଼ ପରୀକ୍ଷା ହେବ ବୋଲି ଜିଲ୍ଲା ପ୍ରଶାସନ ନିଷ୍ପତି ନେଇଛି । ଟ୍ୱିଟ କରି ଗଂଜାମ ଜିଲ୍ଲାପାଳ ଏନେଇ ସୂଚନା ଦେଇଛନ୍ତି । କରୋନା ପରୀକ୍ଷା ନେଇ ବିଡ଼ିଓ ଦାୟିତ୍ୱ ନିର୍ବାହ କରିଛନ୍ତି ଜିଲ୍ଲାପାଳ । ରାଜ୍ୟରେ ସର୍ବାଧିକ ସଂକ୍ରମିତ ତାଲିକାରେ ପ୍ରଥମରେ ରହିଛି ଗଂଜାମ । ଏପର୍ଯ୍ୟନ୍ତ ଜିଲ୍ଲାରେ ୪ ହଜାର ୧୪୭ଜଣ ଆକ୍ରାନ୍ତ ଚିହ୍ନଟ ହୋଇଛନ୍ତି । ୧ହଜାର ୯୧୭ଟି ସକ୍ରିୟ ମାମଲା ଥିବା ବେଳେ ୨ହଜାର ୧୮୫ଜଣ ସୁସ୍ଥ ହୋଇଛନ୍ତି । ସେହିପରି ଭୂତାଣୁ ସଂକ୍ରମିତ ହୋଇ ୪୩ଜଣଙ୍କର ମୃତ୍ୟୁ ହୋଇଛି ।
Kanak News is now on WhatsApp
Join and get latest news updates delivered to you via WhatsApp
All staff will be tested before giving corona duty. Concerned BDOs will coordinate accordingly.@CMO_Odisha @HFWOdisha
— Collector & District Magistrate, Ganjam (@Ganjam_Admin) July 13, 2020
କରୋନା ମୁକାବିଲାରେ ନିଃସ୍ବାର୍ଥ ଓ ଉତ୍ସର୍ଗୀକୃତ ସେବା ଜାରି ରଖିଥିବା ଗଞ୍ଜାମ ଜିଲ୍ଲାର ଅନେକ କରୋନା ଯୋଦ୍ଧାଙ୍କ ଜୀବନ ଏବେ ସଂକଟରେ। ଏଯାଏ ୬୪୫ କରୋନା ଯୋଦ୍ଧା ସଂକ୍ରମିତ ହୋଇଥିବା ବେଳେ ୪ଜଣଙ୍କ ମୃତ୍ୟୁ ଘଟିଥିଲା। ଏଭଳି ପରିସ୍ଥିତିରେ ଗଞ୍ଜାମ ଜିଲ୍ଲାରେ ୨୪ ଘଣ୍ଟା ମଧ୍ୟରେ ଆଉ ୩ କରୋନା ଯୋଦ୍ଧା ପ୍ରାଣ ହରାଇଛନ୍ତି। ଫଳରେ ଏହାକୁ ମିଶାଇ ଏବେ ସୁଦ୍ଧା ମୋଟ ୭ ଜଣ କରୋନା ଯୋଦ୍ଧାଙ୍କ ମୃତ୍ୟୁ ହୋଇଛି। ଆସିକା ବ୍ଲକ୍ ଓ ଥାନା ଇଲାକାରେ ଜଣେ କନେଷ୍ଟବଳ ଓ ଜଣେ ପ୍ରଧାନଶିକ୍ଷକ ଏବଂ ସାନଖେମୁଣ୍ତି ବ୍ଲକ୍ରେ ଅଙ୍ଗନବାଡ଼ି ସୁପରଭାଇଜର୍ ଭାବେ କାମ କରୁଥିବାଙ୍କ ମୃତ୍ୟୁ ସମଗ୍ର ଜିଲ୍ଲାରେ ଶୋକାକୁଳ ପରିବେଶ ସୃଷ୍ଟି କରିଛି।