ରାଜ୍ୟରେ ଖୋଲିବ ସମସ୍ତ ରେଷ୍ଟୁରାଂଟ ଏବଂ ବାର୍ : ଏଣିିକି ହୋଟେଲରେ ବସି ଖାଇପାରିବେ ଗ୍ରାହକ; ମାନିବାକୁ ପଡିବ କୋଭିଡ ଗାଇଡଲାଇନ୍, ଚିଠି ଜାରି କଲା ପର୍ଯ୍ୟଟନ ବିଭାଗ
କନକ ବ୍ୟୁରୋ : ସାରା ରାଜ୍ୟର ହୋଟେଲ, ବାର ଓ ରେଷ୍ଟୁରାଂଟରେ ବସି ଖାଇବାକୁ ମିଳିଲା ଅନୁମତି । ଏନେଇ ବିଜ୍ଞପ୍ତି ପ୍ରକାଶ କରିଛନ୍ତି ରାଜ୍ୟ ସରକାର । କୋଭିଡ ନିୟମ ପାଳନ କରି ବାର, ରେଷ୍ଟୁରାଂଟ ଗୁଡିକ ଖୋଲିବ ଓ ଗ୍ରାହକଙ୍କୁ ଖାଦ୍ୟ ପରସି ପାରିବେ । ବାର ରେଷ୍ଟୁରାଂଟରେ କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରାଳୟର ଗାଇଡଲାଇନ ଅନୁସାରେ ଏସଓପି କଡାକଡି ଭାବେ ପାଳନ କରିବାକୁ ନିର୍ଦ୍ଦେଶ ଦିଆଯାଇଛି । ତେବେ ଅବରୋଧ ଅଂଚଳରେ ସ୍ଥାନୀୟ ପ୍ରଶାସନ ବାର ଏବଂ ରେଷ୍ଟୁରାଂଟ ଖୋଲିବା ନେଇ ନିଷ୍ପତି ନେବେ ।
Kanak News is now on WhatsApp
Join and get latest news updates delivered to you via WhatsApp
ରାଜ୍ୟରେ କରୋନା ମୁକାବିଲା ପାଇଁ ପୂର୍ବରୁ ହୋଟେଲ ଖୋଲା ଥିଲେ ମଧ୍ୟ କେବଳ ଖାଦ୍ୟ ଅର୍ଡର କରି ଘରକୁ ନେଇଯିବା ପାଇଁ ଅନୁମତି ରହିିଥିଲା । ହୋଟେଲ ଓ ବାରରେ ବସି ଖାଇବା ପାଇଁ କଡା କଟକଣା ରହିଥିଲା । ଏହାଫଳରେ କରୋନା କଟକଣା ପାଇଁ ପ୍ରଭାବିତ ହୋଇଥିବା ହୋଟେଲ ଓ ରେଷ୍ଟୁରାଂଟ ବ୍ୟବସାୟରେ ବେଶ ସୁଧାର ଆସିବାର ସମ୍ଭାବନା ସୃଷ୍ଟି ହୋଇଛି ।