ଅସମାପ୍ତ ରହିଲା ସର୍ବଦଳୀୟ ବୈଠକ : ସରକାର ବିରୋଧୀଙ୍କ ମଧ୍ୟରେ ହୋଇପାରିଲାନି ସହମତି
ନିଜ ନିଜ ଜିଦରେ ଅଟଳ ରହିଲେ ବିଜେଡ଼ି ଓ ବିଜେପି; ଅପରାହ୍ନ ୪ଟାରେ ପୁଣି ବସିବ ସର୍ବଦଳୀୟ ବୈଠକ
କନକ ବ୍ୟୁରୋ : ଗୃହରେ ଅଚଳାବସ୍ଥା ଦୂର କରିବା ପାଇଁ ବାଚସ୍ପତି ଡାକିଥିବା ସର୍ବଦଳୀୟ ବୈଠକ ଅସମାପ୍ତ ରହିଛି । ଉଭୟ ବିଜେଡି ଓ ବିଜେପି ନିଜ ନିଜ ଜିଦରେ ଅଡିବସିବାରୁ ବୈଠକରେ କୌଣସି ନିଷ୍କର୍ସ ବାହାରି ପାରିନାହିଁ । ସର୍ବଦଳୀୟ ବୈଠକରେ ବିଜେଡି ବିଧାୟକ ସୁବାସ ପାଣିଗ୍ରାହୀ କ୍ଷମା ନମାଗିଲେ ଗୃହ ଚାଲିବ ନାହିଁ ବୋଲି ଜିଦ ଧରିଥିଲେ । ଏହାପରେ ବିଜେପି ବିଧାୟକ ସୁବାସ ପାଣିଗ୍ରାହୀ କ୍ଷମା ମାଗିବାର ପ୍ରଶ୍ନ ଉଠିନାହିଁ କହି ବୈଠକରୁ ବାହାରି ଆସିଥିଲେ । ଏବେ ଅପରାହ୍ନ ୪ଟାରେ ପୁଣି ସର୍ବଦଳୀୟ ବୈଠକ ହେବ ବୋଲି ସୂଚନା ମିଳିଛି ।
Kanak News is now on WhatsApp
Join and get latest news updates delivered to you via WhatsApp
ଏନେଇ ସରକାରୀ ଦଳ ମୁଖ୍ୟ ସଚେତକ ପ୍ରମିଳା ମଲ୍ଲିକ କହିଛନ୍ତି, ଗୃହର ଗାରିମା ନଷ୍ଟ ହୋଇଛି, କ୍ଷମା ନମାଗିଲେ ଗୃହ ଚାଲିବନି । ଅନ୍ୟପଟେ ବିରୋଧୀ ଦଳ ନେତା ପ୍ରଦୀପ୍ତ ନାୟକ କହିଛନ୍ତି, ମଣ୍ଡିରୁ ଧାନ କିଣନ୍ତୁ, ଚାଷୀଙ୍କ ସମସ୍ୟାର ସମାଧାନ କରନ୍ତୁ, ତାପରେ ଯାହା ହେବ । ଲଗାତାର ଚତୁର୍ଥ ଦିନରେ ଶାସକ ବିରୋଧୀ ମୁହାଁମୁହିଁ ପରିସ୍ଥିତି ଯୋଗୁଁ ଗୃହରେ ଅଚଳାବସ୍ଥା ଦେଖା ଦେଇଛି ।
ବିଭିନ୍ନ ସମସ୍ୟାକୁ ନେଇ ଗୃହରେ ହୋ-ହାଲ୍ଲା ହୋଇଥିବା ବେଳେ ଗୃହ ସାଢ଼େ ୪ଟା ଯାଏଁ ମୁଲତବୀ କରାଯାଇଥିଲା । ଗୃହର କାର୍ଯ୍ୟ ସୁପରିଚାଳନା ପାଇଁ ସର୍ବଦଳୀୟ ବୈଠକ ଡ଼ାକିଥିଲେ ବାଚସ୍ପତି । ପ୍ରଥମେ ବୈଠକରୁ କଂଗ୍ରେସ ଓହରି ଆସିଥିବା ବେଳେ ଏବେ ବିଜେପି ବୈଠକ ଅଧାରୁ ଚାଲି ଆସିବାରୁ କୌଣସି ନିଷ୍କର୍ସ ବାହାରି ପାରିନାହିଁ ।