ଶୀତକାଳୀନ ଅଧିବେଶନ ପୂର୍ବରୁ ସର୍ବଦଳୀୟ ବୈଠକ । ଯୋଗ ଦେଲେନି ପ୍ରଧାନମନ୍ତ୍ରୀ, ବୈଠକକୁ ‘ଆପ୍’ର ବହିଷ୍କାର
କନକ ବ୍ୟୁରୋ : ଆସନ୍ତା କାଲି ଠାରୁ ସଂସଦରେ ଶୀତକାଳୀନ ଅଧିବେଶନ ବସିବାକୁ ଯାଉଛି । ଏହା ପୂର୍ବରୁ ସରକାରଙ୍କ ନିମନ୍ତ୍ରଣରେ ଏକ ସର୍ବଦଳୀୟ ବୈଠକ ଅନୁଷ୍ଠିତ ହୋଇଛି । ଏହି ବୈଠକରେ ପ୍ରଧାନମନ୍ତ୍ରୀ ଯୋଗ ଦେଇ ନାହାଁନ୍ତି । ବୈଠକରେ କଂଗ୍ରେସ ନେତା ମଲ୍ଲିକାର୍ଜୁନ ଖଡଗେ, ଅଧିର ରଂଜନ ଚୌଧୁରୀ, ଆନନ୍ଦ ଶର୍ମା, ତୃଣମୂଳ କଂଗ୍ରେସର ସୁଦୀପ ବାନାର୍ଜୀ, ଡେରେକ ଓବ୍ରାୟନ, ଡିଏମକେର ଟିଆର ବାଲୁ, ଟି ଶିବା ଓ ଏନସିପିର ଶରଦ ପାୱାର ପ୍ରମୁଖ ଯୋଗ ଦେଇଥିଲେ । ଏହି ବୈଠକରେ ଟିଏମସି ପକ୍ଷରୁ ସରକାରଙ୍କ ନିକଟରେ ୧୦ ମୁଦ୍ଦା ରଖାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ଟିଏମସି ତରଫରୁ ବେରୋଜଗାରୀ, ଇନ୍ଧନ ସହ ଅତ୍ୟାବଶକୀୟ ସାମଗ୍ରୀର ବଢୁଥିବା ଦାମ, ଏମଏସପିକୁ ଆଇନ ପରିସରଭୂକ୍ତ କରିବା ଭଳି ପ୍ରସଙ୍ଗ ଉଠାଯାଇଛି । ସେପଟେ ଆମ୍ ଆଦମୀ ପାର୍ଟିର ସାଂସଦ ସଂଜୟ ସିଂ ସର୍ବଦଳୀୟ ବୈଠକକୁ ବହିସ୍କାର କରି କହିଛନ୍ତି କି ନା ସଂସଦରେ କହିବାର ସୁଯୋଗ ମିଳୁଛି ନା ସର୍ବ ଦଳୀୟ ବୈଠକରେ । ଏଭଳି କହି ସେ ବୈଠକରୁ ବାହାରି ଯାଇଥିଲେ ।
କହିରଖୁ କି ଏଥରରେ ସଂସଦରେ ଶୀତକାଳୀନ ଅଧିବେଶନକୁ ମହତ୍ୱପୂର୍ଣ୍ଣ ବୋଲି ଗଣନା କରାଯାଉଛି । କାରଣ ପ୍ରଧାନମନ୍ତ୍ରୀଙ୍କ କହିବା ମୁତାବକ ଅଧିବେଶନର ପ୍ରଥମ ଦିନରେ କୃଷି ଆଇନ ପ୍ରତ୍ୟାହାର ନେଇ ବିଧେୟକ ପାରିତ ହେବ । ଏହା ସହ ବିରୋଧୀମାନେ କୃଷି ଉତ୍ପାଦିତ ସାମଗ୍ରୀର ସର୍ବ ନିମ୍ନ ସହାୟକ ମୂଲ୍ୟକୁ ଆଇନ ପରିସର କରିବାକୁ ଦାବି କରିପାରନ୍ତି । ଏହା ଉପରେ ସରକାରଙ୍କ ପଦକ୍ଷେପ ଓ ବିଭାଗୀୟ ମନ୍ତ୍ରୀଙ୍କର କଣ ରହିବ ଉତ୍ତର ତାହାକୁ ନେଇ ଉତ୍ସୁକତା ବଢିବାରେ ଲାଗିଛି ।
Delhi | All-Party meeting convened by the government today, ahead of Winter Session of Parliament pic.twitter.com/o5nbuKFVog
— ANI (@ANI) November 28, 2021
କେବଳ କୃଷି ଆଇନ ନୁହେଁ ବିରୋଧୀମାନେ ପେଗାସସ୍ ସ୍ୱାଏୱେର ମାଧ୍ୟମରେ ଫୋଟ ଟ୍ୟାପିଂ ପ୍ରସଙ୍ଗ ଉପରେ ବି ସରକାରଙ୍କୁ ଘେରି ପାରନ୍ତି । ଅନ୍ୟପଟେ ରାଜ୍ୟସଭାର ସଭାପତି ଏମ୍ ଭେଙ୍କୟା ନାଇଡୁ ରବିବାର ସନ୍ଧ୍ୟାରେ ସଦନର ନେତାମାନଙ୍କୁ ଏକ ବୈଠକକୁ ଆମନ୍ତ୍ରିତ କରିଛନ୍ତି ।