କେତେ କାର୍ଯ୍ୟକାରୀ ହୋଇଛି ନିର୍ବାଚନୀ ଇସ୍ତାହାର ? ସରିଲା ସମୟ, ସବୁ ମନ୍ତ୍ରୀ ଦେଲେ ରିପୋର୍ଟ ।
କନକ ବ୍ୟୁରୋ : ମୁଖ୍ୟମନ୍ତ୍ରୀଙ୍କୁ ମାସିକିଆ ରିପୋର୍ଟ କାର୍ଡ ଦେଲେ ମନ୍ତ୍ରୀ । ସବୁ ବିଭାଗର ମନ୍ତ୍ରୀ ଆଜି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ନିକଟରେ ରିପୋର୍ଟ ଦାଖଲ କରିଛନ୍ତି । ନିର୍ବାଚନୀ ଇସ୍ତାହାରରେ ଯାହା ସବୁ ପ୍ରତିଶ୍ରୁତି ଦିଆଯାଇଥିଲା, ତାହା କେତେ କାର୍ଯ୍ୟକାରୀ ହୋଇଛି, ସେନେଇ ମୁଖ୍ୟମନ୍ତ୍ରୀଙ୍କୁ ରିପୋର୍ଟ ଦେଇଛନ୍ତି ସବୁ ବିଭାଗର ମନ୍ତ୍ରୀ ।
Kanak News is now on WhatsApp
Join and get latest news updates delivered to you via WhatsApp
ଏକ ମାସ ଭିତରେ ବିଭାଗ କି କାମ ସବୁ ହାତକୁ ନେଇଛି, ଦାୟିତ୍ୱ ନେବା ପରଠୁ ମନ୍ତ୍ରୀ କ’ଣ କରିଛନ୍ତି, କେଉଁ ପଦକ୍ଷେପ ନେବାର ଆବଶ୍ୟକତା ରହିଛି, ଆଗକୁ କ’ଣ କରିବାକୁ ବିଭାଗ ଯୋଜନା ରଖିଛି । ଏସବୁ ଟିକିନିଖି ରିପୋର୍ଟ ମୁଖ୍ୟମନ୍ତ୍ରୀଙ୍କୁ ଦିଆଯାଇଛି । ମନ୍ତ୍ରୀମାନଙ୍କ ପ୍ରଦର୍ଶନ ଓ କାର୍ଯ୍ୟଦକ୍ଷତାକୁ ନେଇ ରିପୋର୍ଟ ଦେବାକୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ପ୍ରଥମ କ୍ୟାବିନେଟ୍ ବୈଠକରେ ନିର୍ଦ୍ଦେଶ ଦେଇଥିଲେ । ପ୍ରତି ମାସ ୭ ତାରିଖ ସୁଦ୍ଧା ରିପୋର୍ଟ ଦାଖଲ କରିବା ପାଇଁ ନିର୍ଦ୍ଦେଶ ଦିଆଯାଇଥିଲା । ଏହାପରେ ପ୍ରଥମ ମାସର ରିପୋର୍ଟ ଦାଖଲ କରିଛନ୍ତି ବିଭାଗୀୟ ମନ୍ତ୍ରୀ ।