ବସଯାତ୍ରୀଙ୍କ ପାଇଁ ବଡ ଖବର: ଏଣିକି ଆଚାର୍ଯ୍ୟ ବିହାର, ବାଣୀବିହାରରେ ରହିବନି ବସ । ସିଧା ଫ୍ଲାଏ ଓଭର ଦେଇ ବରମୁଣ୍ଡାରୁ କଟକ…

836

କନକ ବ୍ୟୁରୋ: ଆଉ ଫ୍ଲାଏ ଓଭରରୁ ତଳକୁ ଓହ୍ଲାଇବନି ବରମୁଣ୍ଡାରୁ କଟକ ଯାଉଥିବା ବସ । ବରମୁଣ୍ଡାରୁ ଯାଉଥିବା ସବୁ ବସ ଏଣିକି ଓଭର ବ୍ରିଜ ଉପର ଦେଇ ଯିବ । ଯଦି କୌଣସି ବସ ଫ୍ଲାଏ ଓଭର ତଳକୁ ଓହ୍ଲାନ୍ତି ତେବେ ସେମାନଙ୍କ ଠାରୁ ୧୦୦୦ ଟଙ୍କା ଜରିମାନା ଆଦାୟ କରାଯିବ ।

ସେପଟେ କଟକ ଯାଉଥିବା କୌଣସି ବସ ଆଉ ବାଣୀବିହାର କି ଆଚାର୍ଯ୍ୟ ବିହାରରେ ଛକରେ ରହିବନି । ଏଣିକି ସବୁ ବସ ବାଣୀବିହାର, ଆଚାର୍ଯ୍ୟ ବିହାର ଛକ ବଦଳରେ କ୍ରାଉନ ହୋଟେଲ ଏବଂ ସତସଙ୍ଗ ବିହାର ଛକରେ ରହିବ । ଆଉ ସମସ୍ତ ଯାତ୍ରୀ ସେଉଠୁ ବସ ଧରି ଯାତ୍ରା କରିବେ ବୋଲି କମିଶନରେଟ ପୋଲିସ ପକ୍ଷରୁ ବିଜ୍ଞପ୍ତି ଜାରି କରାଯାଇଛି ।

ତେବେ ନୂଆ ନିୟମ ଲାଗୁ ହେବା ପରେ ଟ୍ରାଫିକ ବ୍ୟବସ୍ଥାକୁ କଡାକଡି କରାଯାଇଥିବା ବେଳେ କେମିତି ସୁରକ୍ଷିତ ଯାତ୍ରା କରିହେବ ଆଉ ଗାଡି ଚଳାଇଲା ବେଳେ କୌଣସି ଅସୁବିଧା ନେହେବ ସେନେଇ ଗୋଟିଏ ପରେ ଗୋଟିଏ ବ୍ଲୁ ପ୍ରିଣ୍ଟ ପ୍ରସ୍ତୁତ କରୁଛି କମିଶନରେଟ ପୋଲିସ ।

ଅନ୍ତର୍ଜାତୀୟରୁ ଆରମ୍ଭ କରି ଜାତୀୟ ତଥା ରାଜ୍ୟର ୩୧୪ ବ୍ଲକରେ ଘଟୁଥିବା ପ୍ରତିଟି ଘଟଣା ଉପରେ ସମ୍ବାଦ ଓ କନକ ନ୍ୟୁଜ ଆପଣଙ୍କୁ ଦେଉଛି ୨୪ ଘଂଟିଆ ଅପଡେଟ | କରୋନାର ସଂକଟ ସମୟରେ ଆମେ ଲୋଡୁଛୁ ଆପଣଙ୍କ ସହଯୋଗ । ‘ସମ୍ବାଦ’ ଗ୍ରୁପର ଡିଜିଟାଲ ମିଡିଆକୁ ଆର୍ଥିକ ସମର୍ଥନ ଜଣାଇ ଆଂଚଳିକ ସାମ୍ବାଦିକତାକୁ ଶକ୍ତିଶାଳୀ କରନ୍ତୁ |

Comments are closed.