ଏମିତି ପରିସ୍ଥିତି କାହିଁକି ହେଲା ? ଦିନେ କପିଲ ଶର୍ମା ସୋ’ରେ ଲୋକଙ୍କୁ ହସାଇ ହସାଇ କରୁଥିଲେ ବେଦମ, ଏବେ ରାସ୍ତାରେ ବିକ୍ରି କରୁଛନ୍ତି ଅଙ୍ଗୁରୁ

କନକ ବ୍ୟୁରୋ : ସୋସିଆଲ ମିଡିଆରେ ସବୁବେଳେ କିଛି ନା କିଛି ତାରକାଙ୍କ ଭିଡିଓ ଭାଇରାଲ ହେଉଥାଏ । ଏବେ ଏକ ଭିଡିଓ ସାମ୍ନାକୁ ଆସିଛି ସେଥିରେ କପିଲ ଶର୍ମା ସୋ’ରେ ଦର୍ଶକଙ୍କୁ ହସାଇ ହସାଇ ବେଦମ୍ କରୁଥିବା କମେଡି କଳାକାର ଅଲି ଅସଗରଙ୍କୁ ଅଚାନକ ଦେଖିବାକୁ ମିଳିଥିଲା ରାସ୍ତାରେ । ଡାକି ଡାକି ସେ ଲୋକଙ୍କୁ ଅଙ୍ଗୁର ବିକୁ ଥିଲେ । ଠିକ୍ ସେଇ ମଜାଳିଆ ଢଙ୍ଗ କିନ୍ତୁ ଏଥର କପିଲ ଶର୍ମାର ସେଟରେ ନୁହେଁ , ରାସ୍ତା କଡରେ । ଏହି ଦୃଶ୍ୟ ଦେଖି ଫ୍ୟାନ୍ସ ମାନେ ମଧ୍ୟ ଆଶ୍ଚର୍ଯ୍ୟ ହୋଇ ଯାଇଥିଲେ ।

ଏମିତି ଏକ ମଜାଳିଆ ଭିଡିଓ ଉପରେ ଦର୍ଶକଙ୍କର ମଜାଳିଆ କମେଣ୍ଟ୍ । ଅଙ୍ଗୁର ବିକା ଦୃଶ୍ୟ ଦର୍ଶକଙ୍କୁ ମନୋରଞ୍ଜନର ଖୋରାକ ଯୋଗାଉଥିବା ବେଳେ ଫୋଟୋ ଉପରେ ଲୋକ ମାନଙ୍କର ଭିନ୍ନ ଭିନ୍ନ ପ୍ରତିକ୍ରିୟା ଦେଖିବାକୁ ମିଳିଛି । ଅଲିଙ୍କ ମଜାଳିଆ ଅଭିନୟ କେବଳ କପିଲଙ୍କ ସେଟରେ ନୁହେଁ ଆଗରୁ ଅନେକ ଟିଭି ଧାରାବାହିକରେ ଲୋକେ ଦେଖି ଆସିଛନ୍ତି । ଦେଖିବା ସହ ଲୋକେ ଅଲୀଙ୍କ ଅଭିନୟକୁ ଖୁବ ପସନ୍ଦ ମଧ୍ୟ କରନ୍ତି । ହେଲେ ନିଜ ଦର୍ଶକଙ୍କୁ ଆଉ ଟିକିଏ ମଜାର ଖୋରାକ ଯୋଗାଇବା ପାଇଁ ସେ ଏପରି ନାଟକ କରିଛନ୍ତି । ସେ ଭିଡିଓରେ ଦଶ ରିୟାଲ କହି ଅଙ୍ଗରୁ ବିକୁ ଥିବା ବେଳେ ତାଙ୍କ ବେଶ ଭୁଷା ଦେଖି ଜଣା ପଡୁଛି କି ଏହି ଭିଡିଓଟି ସାଉଦି ଆରବରେ ନିଆ ଯାଇଛି ।

ଦଶ ରିୟାଲ ଦଶ ରିୟାଲ, ଥୋଡା ଖତ୍ତା ଥୋଡା ମିଠା କ୍ୟାପସନ ସହ ଅଲୀ ନିଜେ ଏହି ଭିଡିଓ ନିଜ ଇନଷ୍ଟାଗ୍ରାମ ଆକାଉଣ୍ଟରେ ପୋଷ୍ଟ କରିଛନ୍ତି । ଏମିତି ଅଦ୍ଭୁତ ପୋଷ୍ଟରେ ଲୋକ ମାନେ ମଧ୍ୟ ମଜାଳିଆ ପ୍ରତିଉତ୍ତର ଦେବାକୁ ପଛାଇ ନାହାନ୍ତି ।