ତୁରନ୍ତୁ ପାନ୍ କାର୍ଡ ସହ କରାଇଦିଅନ୍ତୁ ଆଧାର କାର୍ଡର ଲିଙ୍କ । ସରକାର ଦେଲେ ଡେଡଲାଇନ୍, ଗଣିବାକୁ ପଡିବ ମୋଟାଅଙ୍କର ଜୋରିମାନା ।
କନକ ବ୍ୟୁରୋ : ତୁରନ୍ତୁ କରନ୍ତୁ ପାନ୍ କାର୍ଡ ସହ ଆଧାର ଲିଙ୍କ୍ । ସରକାର ଦେଲେ ଡେଡଲାଇନ୍, ଗଣିବେ ତଣ୍ଡ । ଦେଶରେ ଆଧାର କାର୍ଡ ଏବଂ ପାନ କାର୍ଡ ହେଉଛି ଏକ ଗୁରୁତ୍ୱପୂର୍ଣ୍ଣ ଡକ୍ୟୁମେଂଟ । ଇନକମ୍ ଟ୍ୟାକ୍ସ ରିଟର୍ଣ୍ଣ ଫାଇଲ ଠାରୁ ଆରମ୍ଭ କରି ବଡ ବଡ ବ୍ୟାଙ୍କିଂ ଟ୍ରାଞ୍ଜାକସନ୍, ଅନ୍ୟ ଫାଇନାନସିଆଲ୍ କାମ ପାଇଁ ପାନ୍ କାର୍ଡର ଆବଶ୍ୟକତା ରହିଛି । ସେହିପରି ପ୍ରାୟ ପ୍ରତିଟି କ୍ଷେତ୍ରରେ ଆଧାର କାର୍ଡର ଆବଶ୍ୟକତା ରହିଛି । ଆଉ ଏହାରି ଭିତରେ ଆୟକର ବିଭାଗ ପାନ୍ କାର୍ଡ ସହ ଆଧାର କାର୍ଡ ଲିଙ୍କ୍ କରିବାର ଅବଧିକୁ ଆସନ୍ତା ଜୁନ୍ ୩୦ ତାରିଖ ଯାଏଁ ଧାର୍ଯ୍ୟ କରିଛି ।
Kanak News is now on WhatsApp
Join and get latest news updates delivered to you via WhatsApp
ଯଦି ଆପଣ ଆପଣଙ୍କ ପାନ୍ କାର୍ଡ ସହ ଆଧାର କାର୍ଡ ଲିଙ୍କ କରାଇନାହାନ୍ତି, ତେବେ ଜୁନ୍ ୩୦ ତାରିଖ ମଧ୍ୟରେ କରାଇଦିଅନ୍ତୁ । ନଚେତ୍ ଆପଣଙ୍କୁ ମୋଟା ଅଙ୍କର ଜୋରିମାନା ଗଣିବାକୁ ପଡିବ । ଆୟକର ଆଇନ୍ ୧୯୬୧ ଅନୁଯାୟୀ, ଯଦି ଆପଣ ନିର୍ଦ୍ଧାରିତ ତାରିଖ ମଧ୍ୟରେ ପାନ୍ କାର୍ଡ ସହ ଆଧାର କାର୍ଡ ଲିଙ୍କ୍ ନକରନ୍ତି, ତେବେ ଆପଣଙ୍କୁ ୧୦୦୦ ଟଙ୍କା ଜୋରିମାନା ଗଣିବାକୁ ପଡିବ । କେବଳ ଜୋରିମାନା ନୁହେଁ, ଏପରିକି ଆପଣଙ୍କ ପାନ୍ କାର୍ଡ ମଧ୍ୟ ଅମାନ୍ୟ ହୋଇଯିବ ।
ଏବେ ଆସନ୍ତୁ ଜାଣିବା ଘରେ ରହି କେମିତି ପାନ୍ କାର୍ଡ ସହ ଆଧାର କାର୍ଡ ଲିଙ୍କ୍ କରିବେ ।
ପ୍ରଥମେ ଆପଣଙ୍କୁ ଇନକମ୍ ଟ୍ୟାକ୍ସର ୱେବସାଇଟକୁ ଯିବାକୁ ପଡିବ । ଏହା ପରେ ଆଧାର କାର୍ଡରେ ଦିଆଯାଇଥିବା ନମ୍ବର, ନାମ ଏବଂ ପାନ୍ କାର୍ଡର ନମ୍ବର ସଠିକ୍ ସ୍ଥାନରେ ଲେଖନ୍ତୁ । ସମସ୍ତ ତଥ୍ୟ ଭରିବା ପରେ ଦିଆଯାଇଥିବା କ୍ୟାପଚା କୋଡକୁ ସଠିକ ଭାବେ ଲେଖନ୍ତୁ ଏବଂ ସବମିଟ୍ କରିଦିଅନ୍ତୁ । ଏବେ ଆପଣ ଲିଙ୍କ୍ ଆଧାର ବଟନ୍ ଉପରେ କ୍ଲିକ୍ କରନ୍ତୁ । ଏହା ପରେ ଆପଣଙ୍କ ପାନ୍ କାର୍ଡ ଆଧାର କାର୍ଡ ସହ ଲିଙ୍କ୍ ହୋଇଯିବ ।
ଏସଏମଏସ ମାଧ୍ୟମରେ ମଧ୍ୟ ଆପଣ ଆପଣଙ୍କ ପାନ୍ କାର୍ଡ ସହ ଆଧାର ଲିଙ୍କ୍ କରାଇପାରିବେ । ଏଥିପାଇଁ ପ୍ରଥମେ ଆପଣ ଆପଣଙ୍କ ଫୋନରେ UIDPAN ଟାଇପ୍ କରନ୍ତୁ । ଏହାପରେ ୧୨ ଅଙ୍କ ବିଶିଷ୍ଟ ଆପଣଙ୍କ ଆଧାର କାର୍ଡର ନମ୍ବର ଟାଇପ୍ କରନ୍ତୁ । ଏହା ପରେ ୧୦ ଅଙ୍କ ବିଶିଷ୍ଟ ଆପଣଙ୍କ ପାନ୍ କାର୍ଡ ନମ୍ବର ଲେଖନ୍ତୁ । ଏହା ପରେ ମେସେଜଟିକୁ ୫୬୭୬୭୮ କିମ୍ବା ୫୬୧୬୧ ନମ୍ବରରେ ପଠାଇଦିଅନ୍ତୁ ।