କନକ ବ୍ୟୁରୋ : ପଶ୍ଚିମ ଆମେରିକାର ପୋର୍ଟଲାଣ୍ଡର ଆର୍ନ୍ତଜାତୀୟ ବିମାନ ବନ୍ଦରରୁ ଶୁକ୍ରବାର ସନ୍ଧ୍ୟାରେ ଆଲସକା ଏୟାରଲାଇନ୍ସ ବିମାନ ବୋଇଙ୍ଗ୍ ୭୩୭ ମାକ୍ସ-୯ ଉଡାଣ ଭରିଥିଲା । ଏହି ବିମାନଟି ଆମେରିକାର କାର୍ଲିଫର୍ଣ୍ଣିଆର ଓଂଟାରିଓ ଯିବାର ଥିଲା । କିନ୍ତୁ ବିମାନ ଉଡାଣ ଭରିବାର ଗୋଟିଏ ମିନିଟ୍ ପରେ ଏକ ୱିଣ୍ଡୋର କାଚ ଭାଙ୍ଗିଯାଇଥିଲା । ଯାତ୍ରୀମାନେ ବିମାନର ଏକ ଝରକା ଭାଙ୍ଗିଯାଇଥିବା ଜାଣିବା ବେଳରୁ ବିମାନଟି ସ୍ଥଳପୃଷ୍ଟରୁ ୧୬ ହଜାର ୩୨୫ ଫୁଟ ଉଚ୍ଚତାରେ ଥିଲା । ବିମାନରେ ୧୭୧ ଜଣ ଯାତ୍ରୀ ଏବଂ ୬ ଜଣ କ୍ରିୟୁ ସଦସ୍ୟ ଥିଲେ । ସଙ୍ଗେ ସଙ୍ଗେ ପାଇଲଟ ବିମାନକୁ ପୋର୍ଟଲାଣ୍ଡର ବିମାନବନ୍ଦରରେ ଜରୁରୀ ଅବତରଣ କରିବାକୁ ଅନୁମତି ମାଗିଥିଲେ ।
Kanak News is now on WhatsApp
Join and get latest news updates delivered to you via WhatsApp
ବିମାନର ଜଣେ ଯାତ୍ରୀ ପ୍ରଥମେ ଏହି ଘଟଣାର ଭିଡିଓ ସୋଶିଆଲ ମିଡିଆରେ ସେୟାର କରିବା ପରେ ଘଟଣା ସାମ୍ନାକୁ ଆସିଥିଲା । ବିମାନ ଭିତରେ ଯାତ୍ରୀମାନେ ଆତଙ୍କିତ ଅବସ୍ଥାରେ ଥିଲେ । ଯାହାର ଭିଡିଓ ଏବେ ସାମ୍ନାକୁ ଆସିଛି । କିପରି ଏଭଳି ଅଘଟଣ ଘଟିଲା ତାର ତଦନ୍ତ ପାଇଁ ନିର୍ଦ୍ଦେଶ ଦେଇଛି ଆଲସକା ଏୟାରଲାଇନ୍ସ । ସେପଟେ ଏହି ଘଟଣା ପରେ ୬୫ ଟି ବୋଇଙ୍ଗ୍ ୭୩୭ ମାକ୍ସ-୯ ବିମାନକୁ ଜରୁରୀ ଅବତରଣ କରାଯାଇଛି । ଏଥିସହ ଏସବୁ ବିମାନର ଯାଂଚ ପାଇଁ ନିର୍ଦ୍ଦେଶ ଦିଆଯାଇଛି ।