କନକ ବ୍ୟୁରୋ : ଆଜି ଏଟିଏସ ପକ୍ଷରୁ ଚଢାଉ କରାଯାଇ ଉତ୍ତରପ୍ରଦେଶର ଲକ୍ଷ୍ନୌ ସହର ନିକଟରେ ଥିବା ଏକ ବିଲ୍ଡିଂରୁ ଦୁଇଜଣ ଆତଙ୍କବାଦୀଙ୍କୁ ଗିରଫ୍ କରିବା ସହ ବିପୁଳ ପରିମାଣର ଆତ୍ମଘାତୀ ସାମଗ୍ରୀ ଜବତ କରିଛି । ଏହାପରେ ସନ୍ଦିଗ୍ଧ ୨ଜଣଙ୍କୁ ପଚରା ଉଚରା କରିବା ପରେ ପୋଲିସ କହିଛି କି ଏହି ସନ୍ଦିଗ୍ଧ ୨ ଜଣଙ୍କର ଆତଙ୍କବାଦୀ ସଂଗଠନ ଅଲ କାଏଦା ସହ ସଂପର୍କ ରହିଛି । ଏମାନେ ଦେଶର ବିଭିନ୍ନ ସହରରେ ଆତ୍ମଘାତୀ ବିସ୍ଫୋରଣ କରିବାକୁ ଯୋଜନା କରିଥିଲେ । ଗିରଫ ହୋଇଥିବା ୨ ଜଣ ହେଉଛନ୍ତି ଲକ୍ଷ୍ନୌ ସହରରେ ରହୁଥିବା ମୀନାଜ ଅହମ୍ମଦ ଓ ନସୀରୁଦ୍ଦିନ ।
Kanak News is now on WhatsApp
Join and get latest news updates delivered to you via WhatsApp
ଏକ ସାମ୍ବାଦିକ ସମ୍ମିଳନୀରେ ବରିଷ୍ଠ ପୋଲିସ ଅଧିକାରୀ ପ୍ରଶାନ୍ତ କୁମାର କହିଛନ୍ତି କି ଏଟିଏସ ୟୁପିର ଏକ ବଡ ଆତଙ୍କବାଦୀ ଯୋଜନାର ପର୍ଦ୍ଦାଫାସ୍ କରିଛି । ଗିରଫ୍ ହୋଇଥିବା ୨ଜଣ ଅଲକାଏଦାର ଅଂସାର ଗକ୍ସବା-ଓଲ ହିନ୍ଦ ସଂଗଠନ ସହିତ ଜଡିତ । ଏହାସହ ସେମାନେ ରହିଥିବା ଘରୁ ଅସ୍ତ୍ର ଶସ୍ତ୍ର ସହ ପ୍ରେସର କୁକର ବୋମା ଓ ବିସ୍ପୋଟକ ସାମଗ୍ରୀ ଜବତ କରାଯାଇଛି । ଅନ୍ୟପଟେ ଗିରଫ ଆତଙ୍କବାଦୀ ମାନଙ୍କୁ ରିମାଣ୍ଡରେ ନିଆଯାଇଛି ।
ATS UP has uncovered a big terror module. The team has arrested two terrorists linked with al-Qaeda’s Ansar Ghazwat-ul-Hind. Cache of arms, explosive materials recovered: Prashant Kumar, ADG Law and Order, UP, on Lucknow ATS’ operation in Kakori today. pic.twitter.com/2kXH4Bok2V
— ANI UP (@ANINewsUP) July 11, 2021
କହିରଖୁ କି ୟୁପି ଏଟିଏସକୁ ସୂଚନା ମିଳିଥିଲା କି କାକୋରୀ ସ୍ଥିତ ଏକ ଘରେ କିଛି ଆତଙ୍କବାଦୀ ଲୁଚି ରହିଛନ୍ତି । ଏହାପରେ ଏଟିଏସ୍ ପକ୍ଷରୁ ସର୍ଚ୍ଚ ଅପରେସନ ଆରମ୍ଭ ହୋଇଥିଲା । ଏହି ଅପରେଶନରେ ସ୍ଥାନୀୟ ପୋଲିସ ସହ ବୋମା ନିଷ୍କ୍ରୀୟକାରୀ ଦଳ ବି ସହାୟତା କରିଥିଲେ ।