ସବୁବେଳେ ଭିନ୍ନ ଭିନ୍ନ ଚରିତ୍ର ଏବଂ କାହାଣୀକୁ ନେଇ ଚର୍ଚ୍ଚାରେ ରହିଆସୁଥିବା ବଲିଉଡ୍ ଖିଲାଡି କୁମାର ପୁଣିଥରେ ଚର୍ଚ୍ଚାକୁ ଆସିଛନ୍ତି । ଅକ୍ଷୟଙ୍କ ଆଗାମୀ ଫିଲ୍ମ ‘ହାଉସ୍ଫୁଲ୍-୪’ ରିଲିଜ୍ ଅପେକ୍ଷାରେ ଥିବା ବେଳେ ଫିଲ୍ମ ଲକ୍ଷ୍ମୀ ବମ୍ବକୁ ନେଇ ଚର୍ଚ୍ଚାରେ ରହିଛନ୍ତି ଅକ୍ଷୟ କୁମାର । ଏହି ଫିଲ୍ମରେ ସେ ଜଣେ ମହିଳାଙ୍କ ଭୂମିକାରେ ନଜର ଆସୁଥିବା ବେଳେ ଫିଲ୍ମର ପ୍ରଥମେ ଲୁକ୍ ସାମ୍ନାକୁ ଆସିଛି । ନିଜ ଲୁକକୁ ଟୁଇଟରରେ ସେୟାର କରିଛନ୍ତି ଅକ୍ଷୟ । ସେୟାର କରାଯାଇଥିବା ଫଟୋରେ ଅକ୍ଷୟ ଲାଲ୍ ରଙ୍ଗର ଶାଢ଼ି , ଲାଲ୍ ଚୁଡି ଏବଂ ମୁଣ୍ଡରେ ସିନ୍ଦୁର ଲଗାଇ ମା’ ଦୁର୍ଗାଙ୍କ ଆଗରେ ଠିଆ ହୋଇଥିବାର ଦେଖା ଯାଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଫଟୋ ସେୟାର କରି ଅକ୍ଷୟ ଲେଖିଛନ୍ତି, ନବରାତ୍ରୀ ଭଳି ପବିତ୍ର ଦିନରେ ମୁଁ ଲକ୍ଷ୍ମୀ ଭାବରେ ନିଜର ଫଟୋ ସେୟାର କରୁଛି । ଏହା ଏକ ଏଭଳି ଚରିତ୍ର ଯାହା ପାଇଁ ମୋ ମନରେ ଉତ୍ସାହ ଓ ଡ଼ର ଉଭୟ ରହିଛି । କିନ୍ତୁ ଜୀବନ ସେତେବେଳେ ଆରମ୍ଭ ହୋଇଥାଏ, ଯେତେବେଳେ ଆପଣଙ୍କ ଆରାମଦାୟକ ଜୀବନ ଶେଷ ହୋଇଥାଏ, ନୁହେଁ କି ? ବୋଲି ଲେଖିଛନ୍ତି ଅକ୍ଷୟ ।