ଖିଲାଡି କୁମାର ନେଲେ ପ୍ରଧାନମନ୍ତ୍ରୀ ମୋଦିଙ୍କ ଇଣ୍ଟରଭ୍ୟୁ ! ଦେଖନ୍ତୁ କ’ଣ ପ୍ରଶ୍ନ ପଚାରିଲେ ଅକ୍ଷୟ ।
ବଲିଉଡର ଆଗଧାଡିର ତଥା ଜଣାଶୁଣା ଅଭିନେତା ଅକ୍ଷୟ କୁମାର ନିଜ ଟ୍ୱିଟର ଆକାଉଣ୍ଟରେ ଏକ ଭିଡିଓ ସେୟାର୍ କରିଛନ୍ତି । ଏହି ଭିଡିଓରେ ଅକ୍ଷୟଙ୍କ ସହ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ମଧ୍ୟ ଦେଖିବାକୁ ମିଳୁଛି । ଏହି ଭିଡିଓରେ ଅକ୍ଷୟଙ୍କ ସହ ମୋଦିଙ୍କ ସାକ୍ଷାତକାରର ଏକ ଟିଜର ଦେଖିବାକୁ ମିଳିଛି । ଏଥିରେ ଅକ୍ଷୟ ପ୍ରଧାନମନ୍ତ୍ରୀ ମୋଦିଙ୍କ ସହ କଥାବାର୍ତ୍ତା କରୁଥିବାର ନଜର ଆସୁଛନ୍ତି । ଅକ୍ଷୟଙ୍କ ମୁତାବକ ଏହାର ସମ୍ପୁର୍ଣ୍ଣ ଭିଡିଓ ବୁଧବାର ସକାଳ ୯ ଟା ବେଳେ ଜାରୀ କରାଯିବ । ଯେଉଁ ଟିଜର ଜାରୀ କରାଯାଇଛି ସେଥିରେ ଅକ୍ଷୟ ମୋଦି ଏବଂ ତାଙ୍କ ମା’ଙ୍କ ବିଷୟରେ ପଚାରୁଛନ୍ତି । ଅକ୍ଷୟ ଫ୍ୟାନ୍ସଙ୍କୁ କହିଛନ୍ତି ଯେ ଏହି ଇଣ୍ଟରଭ୍ୟୁରେ ପିଏମ୍ ଙ୍କ ବିଷୟରେ କିଛି ଅଜଣା କଥା ଜାଣିବାକୁ ମିଳିବ ।
Kanak News is now on WhatsApp
Join and get latest news updates delivered to you via WhatsApp
ଭିଡିଓ କ୍ୟାପ୍ସନ୍ ରେ ଅକ୍ଷୟ ଲେଖିଛନ୍ତି ଯେଉଁଠି ପୁରା ଦେଶ ନିର୍ବାଚନ ଏବଂ ରାଜନୀତି ବିଷୟରେ କଥାବାର୍ତ୍ତା ହେଉଛନ୍ତି ଏଥିରେ ଅଳ୍ପ ବିରତି ଲଗାଯାଉ । ଏହି ସମୟରେ ସୌଭାଗ୍ୟ ମିଳିଛି ଯେ ଆମେ ରାଜନୀତିରୁ ବାହାରି ପ୍ରଧାନମନ୍ତ୍ରୀ ମୋଦିଙ୍କ ସହ କଥାବାର୍ତ୍ତା ହେଉଛୁ । ଏଏନଆଇ ମାଧ୍ୟମରେ ସକାଳ ୯ ଟା ବେଳେ ଏହି ସାକ୍ଷାତକାର ଦେଖନ୍ତୁ ।