ବୟାନ ବଢାଇଲା ଅଡୁଆ: ଜିନ୍ନାଙ୍କୁ, ଗାନ୍ଧୀ ନେହେରୁ ଓ ପଟେଲଙ୍କ ସହ ତୁଳନା କରି ବିବାଦରେ ଅଖିଳେଷ ଯାଦବ
କନକ ବ୍ୟୁରୋ: ବୟାନ ବଢାଇଲା ଅଡୁଆ । ବିବାଦୀୟ ମନ୍ତବ୍ୟ ଦେଇ ଅଡୁଆରେ ପଡିଛନ୍ତି ସମାଜବାଦୀ ପାର୍ଟି ନେତା ଅଖିଲେଶ ଯାଦବ । ପାକିସ୍ତାନର ପ୍ରଥମ ପ୍ରଧାନମନ୍ତ୍ରୀ ମହମ୍ମଦ ଅଲ୍ଲି ଜିନ୍ନାଙ୍କୁ ସ୍ୱାଧିନତା ସଂଗ୍ରାମୀ କହିବା ସହ ମହାତ୍ମା ଗାନ୍ଧୀ, ଜବାହାର ଲାଲ ନେହେରୁ ଓ ସର୍ଦାର ବଲ୍ଲବ ଭାଇ ପଟେଲଙ୍କ ସହ ତୁଳାନା କରିବା ସପା ନେତାଙ୍କୁ ମହଙ୍ଗା ପଡିଛି । ଅଖିଳେଶଙ୍କ ଏହି ବୟାନକୁ ନେଇ ଉତର ପ୍ରଦେଶରେ ରାଜନୀତି ଜୋର ଧରିଥିବାବେଳେ ବିଭିନ୍ନ ରାଜନୈତିକ ଦଳ ପକ୍ଷରୁ ତାଙ୍କୁ ସମାଲୋଚନା କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ପାକିସ୍ତାନର ଜନକ କୁହାଯାଉଥିବା ମହମ୍ମଦ ଅଲି ଜିନ୍ନାକୁ ମହତ୍ମା ଗାନ୍ଧୀ ଏବଂ ସରାଦାର ବଲ୍ଲଭ ଭାଇ ପଟେଲଙ୍କ ସହ ତୁଲନା କରି ବିବାଦରେ ସମାଜବାଦୀ ପାର୍ଟି ନେତା ଅଖିଲେଶ ଯାଦବ । ରବିବାର ଉତର ପ୍ରଦେଶରେ ଏକ ନିର୍ବାଚନୀ ସଭାକୁ ସମ୍ବୋଧିତ କରିବା ସମୟରେ ସେ କହିଛନ୍ତି, ମହାତ୍ମା ଗାନ୍ଧୀ ଓ ସରଦାର ବଲ୍ଲଭ ଭାଇ ପଟେଲଙ୍କ ପରି ଜିନ୍ନା ମଧ୍ୟ ଜଣେ ସ୍ୱାଧୀନତା ସଂଗ୍ରାମୀ । ଯାହାକୁ ନେଇ ଏବେ ୟୁପି ରାଜନୀତି ଜୋର ଧରିଛି । ଏନେଇ ୟୁପି ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଅଖିଲେଶ ଯାଦବକୁ ସମାଲୋଚନା କରିଛନ୍ତି । ଦେଶର ଏକତାର ପ୍ରତୀକ କୁହାଯାଉଥିବା ସରଦାର ବଲ୍ଲଭ ଭାଇ ପଟେଲଙ୍କୁ ଜିନ୍ନା ସହ ତୁଳନା କରିବା ଅତ୍ୟନ୍ତ ନିନ୍ଦନୀୟ ବୋଲି କହିଛନ୍ତି ମୁଖ୍ୟମନ୍ତ୍ରୀ ।
ଆସନ୍ତା ବର୍ଷ ଉତରପ୍ରଦେଶରେ ବିଧାନସଭା ନିର୍ବାଚନ ହେବାକୁ ଥିବାବେଳେ, ଏବେ ଭୋଟରଙ୍କୁ ପ୍ରଭାବିତ କରିବା ପାଇଁ ଲାଗି ପଡିଛନ୍ତି ବିଭିନ୍ନ ରାଜନୈତିକ ଦଳ । ଏହାରି ଭିତରେ ସମାଜବାଦୀ ପାର୍ଟି ନେତା ଅଖିିଲେଷ ଯାଦବଙ୍କ ବିବାଦୀୟ ବୟାନ ବିରୋଧିଙ୍କୁ ସୁଯୋଗ ଦେଇଛି ତାଙ୍କୁ ସମାଲୋଚନା କରିବା ପାଇଁ ।
ଆସନ୍ତା ୨୦୨୨ ରେ ହେବାକୁ ଥିବା ନିର୍ବାଚନକୁ ନେଇ ସମସ୍ତ ରାଜନୈତିକ ଦଲ ପ୍ରସ୍ତୁତ ହେଉଥିବା ବେଳେ ସପା ନେତା ଅଖିଲେଶ ଯାଦବ ଏଥବ ନିର୍ବାଚନ ଲଢିବନି ବୋଲି ଘୋଷଣା କରିଛନ୍ତି । ବର୍ତମାନ ଆଜମଗଡ ସଂସଦୀୟ ସିଟରୁ ଲୋକସଭା ସଦସ୍ୟ ଥିବା ଅଖିଲେଶ ଲଢିବା ପରିବର୍ତେ ପ୍ରାର୍ଥୀଙ୍କ ପାଇଁ ପ୍ରଚାର କରିବେ ବୋଲି ଜଣାପଡିଛି ।