ଉତ୍ତର ପ୍ରଦେଶ ନିର୍ବାଚନ ପୂର୍ବରୁ ସରକାରୀ କର୍ମଚାରୀଙ୍କ ଉପରେ ଅଖିଳେଶଙ୍କ ଫୋକସ, ପେନସନ ନେଇ ଦେଲେ ଏଭଳି ପ୍ରତିଶୃତି
କନକ ବ୍ୟୁରୋ : ନିର୍ବାଚନ ତାରିଖ ଯେତେ ପାଖେଇ ଆସୁଛି ଭୋଟର ମାନଙ୍କୁ ଆକୃଷ୍ଟ କରିବାକୁ ରାଜନୈତିକ ଦଳମାନେ ନୂଆ ନୂଆ ପ୍ରତିଶୃତି ଦେବାରେ ଲାଗିଛନ୍ତି । କେବେ ମାଗଣା ବିଜୁଳି ତ କେବେ ମାଗଣା ପାନୀୟ ଜଳ , କିଏ ବେକାରୀଙ୍କୁ ପେନସନ ଦେବାକୁ ପ୍ରତିଶୃତି ଦେଉଛି ତ କିଏ କିଏ କୃଷକଙ୍କୁ ଋଣ ଛାଡ କରିବାର ପ୍ରତିଶୃତି । ଏହାରି ମଧ୍ୟରେ ୟୁପିରେ ସମାଜବାଦୀ ପାର୍ଟିର ମୁଖ୍ୟ ଆଜି ସରକାରୀ କର୍ମଚାରୀଙ୍କ ଭୋଟ ହାତେଇବାକୁ ବନ୍ଦ ହୋଇଥିବା ଏକ ଯୋଜନାକୁ ପୁଣି ଲାଗୁ କରିବାକୁ ପ୍ରତିଶୃତି ଦେଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଲକ୍ଷ୍ନୌ ଠାରେ ଆୟୋଜିତ ଏକ ସାମ୍ବାଦିକ ସମ୍ମିଳନୀରେ ଅଖିଳେଶ କହିଛନ୍ତି ଯଦି ଚଳିତ ନିର୍ବାଚନରେ ସମାଜାବଦୀ ପାର୍ଟିକୁ ବହୁମତ ମିଳେ ତେବେ ସେ ପୁରୁଣା ପେନସନ ଯୋଜନା ପୁଣି ଲାଗୁ କରିବେ । ଅର୍ଥାତ କେନ୍ଦ୍ର ସରକାରଙ୍କ ନିଷ୍ପତ୍ତି ମୁତାବକ ୨୦୦୫ ପରେ ଯେଉଁମାନେ ସରକାରୀ ଚାକିରୀ କରିଛନ୍ତି ସେମାନଙ୍କୁ ପେନସନ ମିଳିବ ନାହିଁ । ହେଲେ ଅଖିଳେଶ କହିଛନ୍ତି କି ୟୁପିରେ ତାଙ୍କ ସରକାର ଆସିଲେ ୨୦୦୫ ପରେ ସରକାରୀ ଚାକିରୀ କରିଥିବା କର୍ମଚାରୀଙ୍କୁ ବି ପୁରୁଣା ପେନସନ ଯୋଜନାରେ ପେନସନ ଯୋଗାଇ ଦିଆଯିବ । କହିରଖୁ କି ୟୁପିରେ ଏହି ଯୋଜନା ଲାଗୁହେଲେ ୧୨ ଲକ୍ଷ ସରକାରୀ କର୍ମଚାରୀ ଉପକୃତ ହେବେ ।
କେବଳ ସେତିକି ନୁହେଁ ଅଖିଳେଶ ସାମ୍ବାଦିକ ସମ୍ମିଳନୀରେ କହିଛନ୍ତି କି ତାଙ୍କ ସରକାର ଆସିଲେ ସରକାରୀ କର୍ମଚାରୀଙ୍କ ପାଇଁ କ୍ୟାସଲେସ ସ୍ୱାସ୍ଥ୍ୟ ସେବା ଯୋଗାଇ ଦିଆଯିବ । ଏହା ବ୍ୟତୀତ ତୃତୀୟ ଓ ଚତୁର୍ଥ ଶ୍ରେଣୀ କର୍ମଚାରୀଙ୍କୁ ତାଙ୍କ ଘର ନିକଟରେ ଚାକିରୀ କରିବାର ସୁଯୋଗ ମିଳିବ ।